Хүний амь насанд минутаар хэмжигдэх хэмжигдэх хэмжээнд эрсдэл учруулдаг цахилгаан менингит буюу менингококкт халдварын улсын хэмжээнд зургаан тохиолдол бүртгэгдээд байна. Уг өвчний шинж тэмдэг нь гэнэт халуурч хурдан хүндэрдэг бөгөөдцаашлаад амь насанд хүрэх эрсдэлтэй учир хурц халдварт өвчинд тооцогддог. Тиймээс уг өвчний талаар халдварын талаар мэдлэгтэй байж, урьдчилан сэргийлэх хэрэгтэй юм.
Менингококкт халдвараас урьдчилан сэргийлэх аргын нэг нь вакцин. Энэ талаар Халдварт өвчин судлалын үндэсний төв урьдчилан сэргийлэх вакциныг Сайн дурын дархлаажуулалтын кабинетад 09.00-15.00 цагийн хооронд 13500 төгрөгөөр хийж байгаа юм байна. Вакциныг нас харгалзахгүй хийдэг ч өвчний эрсдэлтэй бүлэг нь бага насны хүүхэд аж. Тиймээс бага насны хүүхэд халдварын эсрэг вакцинд идэвхтэй хамрагдах шаардлагатай юм. Өвчлөлийн шалтгаан нь хаврын улиралд дархлаа суларснаар хурц халдварт өвчний дэгдэлт нэмэгддэг байна.
Дараах шинж тэмдэг илэрсэн тохиолдолд яаралтай эмнэлэгт хандсанаар бүрэн эдгэх боломжтой.
- Энэ өвчний үед хүүхэд гэнэт өндөр халуурч, их хэмжээгээр бөөлжинө
- Гэрлээс айх, маш цочимтгой болно
- Хөхөөр хооллодог хүүхэд хөхөө хөхөж чадахаа болих, хоолонд дургүй болох
- Хүзүү хөшиж, ухаан санаа самуурах
Эдгээр шинж тэмдгүүдтэй зэрэгцэн 1-2 цагийн дотор үе мөчөөс эхлэн тууралт гарч, маш хурдан хугацаанд цусархаг болдог аж. Улмаар цусан тууралт болон тархины зөөлөн бүрхүүл, тархины эдийн үрэвсэл болдог байна.
Урьдчилан сэргийлэх
- Хоолой нь өвддөг, ангинатай хүн хоолойгоо эмчлүүлэх
- Давс, царван, сода, лимоны уусмал, тамединаар хоолойгоо зайлах
- Хүүхдийн хоолой, амыг зөгийн балаар арчих
- Хүүхдээ хооллохын өмнө гараа сайтар угаах
- Хүүхдийг үнсэхээс татгалзах
- Бага насны хүүхдийг дагуулан олон нийтийн газраар явахгүй байх
- Хүүхдийн биед гарч буй өөрчлөлтийг анзаарах
Сэтгэгдэл (1)