Баян-Өлгий аймгийн Нэгдсэн эмнэлгийн Мэс заслын тасгийн зөвлөх эмч, клиникийн профессор Б.Бейсен, мэс заслын эмч Х.Хари, З.Исагул, наркозын эмч Г.Бахытжан, сувилагч К.Гүлзира, Н.Меруерт нарын эмч нарын баг 79 настай Х гэдэг иргэнд элэг тайрах мэс заслыг өнгөрсөн долоо хоногт амжилттай хийжээ.
Эмчлүүлэгч Х нь Казахстан Улсын иргэн бөгөөд тус улсад ходоодны гарах хэсгийн хавдартай, хагалгаа хийх боломжгүй хэмээн оношлогдож эмчилгээ хийлгэхээр Монгол Улсад иржээ.
Аймгийн эмч нар тухайн иргэнийг дахин оношилж, элэгний баруун дэлбэнгийн шохойжсон том хавдарлаг үүсвэр ходоодны гарах хэсгийг гаднаас дарж наалдсан байсныг илрүүлжээ. Улмаар элэгний баруун дэлбэнг 14х8 см том үүсвэртэй хамт тайрах хагалгаа хийсэн байна. Өвчтөний биеийн байдал сайжирсан бөгөөд уржигдар эмнэлгээс гарчээ.
Г.Алимаа
Сэтгэгдэл (2)