Хөвсгөл аймгийн Цагааннуур суманд ирэх наймдугаар сард 2000 цааны баяр хийхээр болжээ. Тус суманд цаатан иргэд цаа буга маллан амьдардаг учир ийн тус суманд хийхээр болжээ. Үндэсний статистикийн хорооноос өнгөрсөн онд хийсэн тооллогоор цаа буга 2200 хүрсэн байна. Төрөөс сүүлийн жилүүдэд цаа бугын тоо толгойг өсгөх бодлого хэрэгжүүлснээр тоо толгой нь тогтмол өсөх болжээ. Тухайлбал, өнгөрсөн онд ОХУ- аас 20 цаа буга авчирч цус сэлбэсэн байна. Цаа нь өвлийн улиралд цас ихтэй тайгын царам, өндөр уулын таг газар бэлчээрлэж хаг, хөвд идэж таргалдаг. Иймээс цаатан иргэд өвлийн улиралд цас их орсон газарт амьдардаг. Харин зуны улиралд навчит буюу буурцагт ургамал бүхий газар бэлчээрлэдэг юм.