ШШГЕГ-ын харьяа Цагдан хорих 461 дүгээр ангид амиа алдсан гавьяат хуульч Л.Бямбаа амиа алдсан. Тэгвэл түүний хүү хүү, шүүгч С.Төмөрбат үндэслэлгүй хөрөнгжсөн байж болзошгүй хэрэгт сэжиглэгдэж АТГ-т дуудагдсан юм. Тэрбээр дээрх хоёр хэргийн талаар “Би Нийслэлийн захиргааны хэргийн анхан шатны шүүхэд шүүгчээр ажилладаг. Ээжийн минь нас барьсантай холбоотойгоор сүүлийн үед сошиол болон хэвлэл мэдээллийн хэрэгслүүдэд маш их сөрөг мэдээлэл гарч байна. Иймээс би тайлбар өгөхөөр шийдлээ. Миний ээж амиа хорлохоор хүн биш. Ээжийгээ ийм байдалд оруулчихаад ингэж ярилаа гэх л байх. Ээжийг минь мэдэх Монголын маш олон хуульчид худал гэдгийг нь нотолно. Зарим улстөрчид сүүлийн үед Монголын шүүгчдийг өөрсдийн тоглоом болгон ашиглаж байгааг хэлж байна гэдэг тайлбарыг өгчээ. Тэрбээр “Ийм харамсалтай зүйл болчихоод байхад Цагдан хорих газрынхан яагаад хугацаа алдаж бидэнд мэдэгдсэнийг ойлгохгүй байна.
Баянгол дүүргийн Цагдаагийн II хэлтсийн ажилчид ээжийг оройны 21.40 минутад нас барьсан. Цагдаагийн 102 утсанд 00.15 цагт дуудлага ирсэн гэж хэлсэн. Тэр болтол бидэнд ямар ч мэдээлэл өгөөгүй. Өмгөөлөгчийн хүсэлтийн дагуу ажлын өдрүүдэд ганцаарчилсан уулзалт хийх эрхийг эдлүүлээгүй. Мөн ээжийг сэжигтнээр татаж, баривчилсан тогтоолоо танилцуулаагүй. Салхитын ордтой холбоотой тодорхой мэдээлэл надад байхгүй. Гэхдээ миний ээж ямар нэгэн хууль бус үйлдэл хийх хүн биш. 2018 оны хавар нэр бүхий шүүгчдээс хөрөнгө оруулгын мэдүүлгийг АТГ авсан. Би 2015 оны тавдугаар сард өөрийн хөрөнгө оруулгын мэдүүлэгтэй холбогдуулан зохих тайлбарыг нотлох баримтын хамт АТГ-т өгсөн. Үндэслэлгүй хөрөнгөжсөн гэх асуудал гарсан байна лээ.
Өнөөдөр надад байгаа хөрөнгө гэвэл 2011 онд худалдаж авсан автомашин, хоёр ширхэг орон сууц миний нэр дээр байдаг. Нэг орон сууц нь найман хувийн ипотекийн зээлтэй байгаа. Нэг орон сууц нь намайг шүүгч болохоос өмнө ажиллаж байсан компанитай байгуулсан хөдөлмөрийн гэрээгээр надад олгогдсон орон сууц. Үүнээс өөрөөр гарт мэдрэгдэх үнэ цэнэтэй гэх хөрөнгө надад байхгүй. Би өнөөдөр банканд цалингийн хоёр зээлтэй амьдардаг” хэмээв.
Р.Хишигээ
Сэтгэгдэл (28)