Дорноговь аймгийн Зүүнбаян суманд байрлах Зэвсэгт хүчний 336 дугаар ангид амиа алдсан цэргийн задлан шинжилгээний хариу гарчээ.
Тодруулбал, өнгөрсөн нэгдүгээр сарын 22-ны өдөр Орхон аймгаас 2018 оны арваннэгдүгээр сард цэрэгт татагдан очсон 19 настай байлдагч амь насаа алдсан хэрэг гарсан. Уг хэрэгт Зэвсэгт хүчний 336 дугаар ангийн захирагч Д.Өлзийбаяр нарыг холбогдуулан шалгаж, цагдан хориод байгаа юм.
Үүнтэй холбогдуулан Цагдаагийн байгууллагын анхан шатны үзлэг, шинжилгээгээр талийгаачийн үхэл гадны нөлөөгүй бөгөөд байлдагч сургуулилтын үеэр багтарсан байх магадлалтай гэж анхны шинжилгээгээр гарсан байдаг. Харин эмнэлгийн байгууллагын зарим эмч нар гаднын нөлөөтэй гэж сошиальд мэдээллэсэн юм.
Тухайн үед мэргэжлийн байгууллагынхан ийн өөрөөр тайлбарлаж байв. Тэгвэл өнгөрсөн лхагва гаригт талийгаачийн задлан шинжилгээний хариу гарч, ар гэрийнхэнд нь танилцуулжээ. Хэрэг мөрдөн байцаалтын шатанд явж байгаа тул одоогоор шинжилгээний хариу задлах боломжгүй гэдгийг хохирогчийн өмгөөлөгч тайлбарлаж байна.
Энэ талаар бид эргэн мэдээлэх болно.
Б.Лхам
