“Аашто” ХХК-ийн санаачилгаар Герман улсын эрдэмтдийн удирдлага дор ОХУ болон Монгол улсын инженерүүд хамтран, PG64-46 Полимер битум буюу Super Pave технологийг Монгол Улсад нэвтрүүлэхээр үйлдвэрээ нээлээ. Нээлтийн арга хэмжээнд Зам тээврийн сайд Л.Энх-Амгалан тэргүүтэй албаны хүмүүс оролцсон юм.
“Аашто” компани 9 жилийн турш судалгаа хийсний эцэст нэвтрүүлж буй энэхүү технологийг анх 1993 онд АНУ-д ашиглаж эхэлсэн бөгөөд өдгөө дэлхийн 100 орчим орон авто замдаа ашиглаж байна.
ОХУ, Казакстан зэрэг цаг агаарын хувьд манай улстай ижил улс орнуудад амжилттай туршигдсан Super Pave технологийг нэвтрүүлснээр авто замын чанар сайжирч, насжилт хоёр дахин уртасна. Өөрөөр хэлбэл бороонд зам хагарах, халуунд хайлж хэвээ алдах зэрэг асуудал үүсэхгүй гэдгийг төсөл хэрэгжүүлэгчид хэлж байна.
Сэтгэгдэл (5)