Хэнтий аймгийн Бор-Өндөр цогцолбор сургуулийн арваннэгдүгээр ангийн сурагч Б.Бат-Эрдэнэ ГССҮТ-д элэг бяцарсан оноштойгоор өчигдөр өглөө хагалгаанд орсон гэх мэдээлэл фэйсбүүк хуудсаар тархаад байна. Уг мэдээлэлд хүү ангийн багшдаа зодуулсан учраас элэг нь бяцарсан гэж ар гэрийнхэн нь мэдэгдсэн, мөн хүү ярьж чадахгүй, бие нь маш хүнд хэвтэрт байгааг харсан гэрчүүд ийн бичсэн байна.

Энэ талаар хүүгийн эгч гэх бүсгүй хичээлээс хоцорсон гэж дүүг нь зодсон. Ингэхдээ эхлээд толгой руу нь цохисон бөгөөд гараараа хамгаалангуут гарыг нь өргүүлж байгаад элэгдсэн тухай ярьсан гэжээ. Хүүг зодсон гэх багшийг Н.Наранхүү гэдэг мэдээлэл байна.

Бид энэ талаар Цагдаагийн ерөнхий газрын Хэвлэл мэдээллийн албанаас тодруулахад “Мэдээллийг нягтлаад хариу өгье” гэлээ.

Г.Эрдэнэ