Дэлхий нийт 3 дугаар сарын 22-ны энэ өдөр уламжлалын дагуу  усны өдрөө тэмдэглэж байна. Энэ жил олон улс даяар усны өдрийг "Цэнгэг ус-Тэгш" хүртээмж уриан дор тэмдэглэж буй юм. Байгаль орчин, аялал жуулчлалын яамнаас  МУТСА дуучин Т.Дэлгэрмөрөнг “Усны элч” дуучнаар тодруулсан билээ. Харин тэрээр өөрийн цахим хуудсаараа дамжуулан бүх нийтэд усаа хайрлахыг уриаллаа.

Тэрээр өөрийн цахим хуудсандаа /Tovuukhorl Delgermurun/

Эх дэлхий
Эжий сүнстэй
Усан нулимстай
Ургамал амьсгалтай
Амьтай бүхэн үр нь
Ариун хайрын настай.
Өнөөдөр дэлхий даяараа цэвэр цэнгэг усыг хайрлан гамнаж,хамгаалан тэтгэх өдөр өө.

Хүж дэлхий усан бүрхүүлтэй ч амьтай бүхнийг тэтгэгч ундны ус хамгийн бага хувийг нь эзэлдэг юм.
Эртнээс эдүгээ хүртэл байгаль дэлхий ээжийнхээ хайр ивээлийг буруу ашиглаж хүртсэн хүмүүс бидний балаг,байгаль дэлхий ээжийг ундны усны нөөцгүй болгож байгааг дэлхийн улс гүрнүүдийн эрдэмтэн судлаачид онцгой байдалд хүрэх хэмжээнд дэлхий даяар зарлан тунхаглаж байна.
Хүн төрөлхөтний тоо хязгаараасаа хэтийдэж өнөөгийн байдлаар хоёр тэр бум хүн цэнгэг цэвэр усны нөөцгүй харангадан амь насаараа хохирон өдөр тутамд үрэгдэн үгүй болж байна.
Манай улсын хэмжээнд цэвэр усыг мөнгөөр худалдаж авах гэдэг ойлголт санаанд буудаггүй байсан нь саяхан.Гэтэл өнөөдөр бид бүгд ундны усаа худалдаж авдаг болсон нь хангалттай том баталгаа юм.

БОАЖЯ-наас зохион байгуулаад байгаа ногоон паспорт аян маш чухал гэдгийг анхаармаар байна. Монголчуудаа!!!
Айл өрх бүрийн ундны усны хэрэглээний хэмжээнд хүн тус бүрийн ухамсар онцгой байр суурь анхаарлыг хандуулах үүднээс ногоон паспорт аянг хэрэгжүүлж эхлээд удаж байгааг дуулгая.
Монгол улсын иргэд ээ! Танай гэр бүлийн нэг гишүүн энэ ногоон паспортны эзэн болсноор хэрэглэгч бүрийн цэвэр усны хэрэглээг хянаж анхааруулж байх нэг ёсны миний адил танай гэрийн цэвэр усны элч болох юм.Бид ингэж хоорондоо уялдан гинжин хэлхээг үүсгэхгүй бол;

Хүмүүсээ боддоо!!! Энгийн нэгэн жишээ хэлхэд бид шүдээ угаахдаа шаардагдах усны хэмжээг үл хайрласнаас болж 6-8 литр ус өглөө,өдөр,орой бүр үнэ цэнэгүй урсаж үгүй болж байгааг анзаарч нэг бодсон уу?
Энэ мэт усанд хайр гамгүй ханддаг бидний оюуны сэхээрэл үнэхээр эх оронд минь үгүйлэгдэж байна. Монгол улсынхаа гол горхи,булаг шанд, рашаан,нуур цөөрөм мөрнүүдийн ширгэж үгүй болсоор байгаа үнэн бодит дүр зургийг манай ард түмэн нүдээр үзэж биеэр амсаж байгаа.
Элч дуучин хүнийхээ хувьд энгийн нэг жишээ татан танд хүргүүлж байгааг минь ухаант хүн та болгооно уу!

Та хэн ч бай,хаана ч бай цэвэр усыг
Тэгш хүртээмжтэй хүртэх эрхтэй
Цэвэр усаа гамнацгаая Монголчуудаа!!!