Үндсэн хуулийн цэцийн дарга Д.Одбаяр Цэцийн нийт гишүүдэд хандаж албан тушаалаасаа чөлөөлөгдөх хүсэлтээ өнгөрсөн баасан гариг /2019.11.15/-т гаргажээ. Түүний өргөдлийг хэлэлцэх Үндсэн хуулийн Цэцийн нийт гишүүдийн хуралдааныг 2019 оны арвандүгээр сарын 22-ны 11:00 цагт хийхээр товлосон байна.
Учир нь Үндсэн хуулийн Цэцийн гишүүн Н.Чинбат гадаад улс дахь албан томилолтоор ажиллаж байгаа бөгөөд сарын 21-нд эх орондоо ирэх юм байна. Цэцийн дарга Д.Одбаяр өргөдлөө өгөхдөө Цэцийн гишүүддээ хандаж "Би Монголын ард түмнээсээ чин сэтгэлийн уучлалт гуйж байна. Монголын төрд зүтгэх боломжийг олгосон ард түмэндээ үргэлж талархаж явдаг.
Төрдөө яаж зүтгэж ирснийг минь олон түмэн, та бүхэн мэднэ. Би худлаа ярьж үзээгүй ээ. Энэ асуудал бодитоор ойлгогдох өдөр ирнэ. Цаг хугацаа харуулах болно. Гэхдээ миний бие өнөөдөр Цэцийн гишүүддээ хандаж, Цэцийн даргын ажлаас чөлөөлөгдөх өргөдлөө өгч байна" гэж хэлжээ.
С.Сүлд
Сэтгэгдэл (55)