Монгол Улсын Үндсэн хуульд оруулсан нэмэлт, өөрчлөлтөд орсон хууль тогтоомжийг нийцүүлэх, түүнтэй холбогдуулан авах арга хэмжээний тухай УИХ-ын тогтоолын төслийн эцсийн хэлэлцүүлгийг хийж байна. Хэлэлцэж байгаа асуудалтай холбогдуулан Их хурлын гишүүд дэмжих эсэхээ илэрхийлсэн юм.
Б.Энх-Амгалан: Хуулийн зохицуулалтыг хийхдээ Монгол Улсын иргэдэд өмчлүүлснээс бусад ой, ан амьтан зэргийг төрийн нийтийн өмч байх зохицуулахаа тодорхой болгоорой. Үндсэний аюулгүй байдалтай холбоотой асуудал шүү. Үүнийг анхаарах хэрэгтэй. Үндсэн хууль ярьж байхад төрийн болон нийтийн гэдгийг төрийн болон ард түмний гэдэг ойлголт ярьж байсан шүү дээ. Тэгэхгүй бол патент, лиценз, өмч хувьчлалын тасалбар, гэрчилгээ, газар эзэмшүүлэх, өмчлүүлэх гэрээтэй холбоотой хэдэн хүмүүс төрийн бус байгууллага байгуулчихаад “Энэ нийтийн өмч” гэдгээр лоозондоод авчих вий. Ийм байж болохгүй шүү. Органик хуульд үүнийг тодорхой болгохгүй бол хуулийн зөрүү гарч нийтийн өмч нь нийтийн гээд сэнхрүүлээд хэдэн хүнээр гарын үсэг зуруулах байдлаар хувьдаа авах вий.
Ц.Цогзолмаа: Тэгш хүртээмжтэй шударга байх ёстой гэдэг үгээ зөв найруулаарай
М.Оюунчимэг: Чухал заалт. Цаг алдалгүй батлах ёстой. Засгийн газар байгалийн баялагийг ашилах журмыг тодорхой болгоно гэсэн байна. Засгийн газраас Экологийн цагдаагийн алба байгуулахаар болсон. Энэ бол зөв алхам. Бас нэг асуудал бий. Энэ төрлийн байууллагыг бэрхжүүлэх ялангуяа Шүүх шинжилгээний хүрээлэнд байгаль орчинд учруулсан хохирлын хэмжээг тогтоодог механизмыг бэхжүүлэх ёстой.
Тэгж байж байгаль орчинд учирсан хохирлыг зөв тодорхойлно. Тэгэхгүй бол хэрэг маргаан шүүх дээр очоод хана мөргөнө шүү. Ялангуяа түгээмэл тархацтай ашигт малтмалыг дур мэдэн ашигладаг, нөхөн сэргээлт хийдэггүй, гол мөрний дагуу байгаль орчны чиглэлээр зөвшөөрөл аваад орон сууц барьчихдаг. Энэ нь экологийн тэнцвэрт сөргөөр нөлөөлдөг. Тиймээс хууль доод шатандаа хэрэгжих хөрсийг бэхжүүлэх ёстой шүү.
Г.Эрдэнэ
Сэтгэгдэл (6)