Япон улсад аяллын усан онгоцоор аялсан 10 хүн коронавирсын халдвар авчээ. Үүнээс үүдэн тус улсад вирусын халдвар нэмэгдэж болзошгүй гэж болгоомжилж байна.
Тодруулбал, вирусын халдвартай нь тогтогдсон 10 хүн бүгд 50-аас дээш насны иргэд бөгөөд 50 орчим настай дөрвөн хүн, 60 орчим настай дөрвөн хүн, 70 настай орчим нэг, 80 настай нэг хүн халдвар авсан байна.
Түүнчлэн Токиогийн олон улсын эрүүл мэндийн байгууллагаас ирэх долдугаар сард болох олимпийн наадмаас өмнө коронавирусын халдварын талаар олж мэдэх хангалттай цаг байгаа учраас эсрэг арга хэмжээг авч чадна гэж мэдэгджээ.
Ташрамд дурдахад, шумуулаар дамжин халдварлаж байсан Зика вирус 2016 оны Рио де Жанерогийн олимпийн үеэр аюул заналхийлж байсан бол 2012 оны Ванкуверийн өвлийн олимпийн наадмын үеэр H1N1 гахайн томуугийн дэгдэлт өндөр болж олон арван хүн өвчилж байсан юм. Энэ удаад ч гэсэн олимпийн өмнө хариу арга хэмжээ авч чадна гэж тус улсын эрдэмтэн судлаачид үзэж байгаа юм байна.
А.Сүх
