УИХ-ын өнөөдрийн Цар тахлаас урьдчилан сэргийлэх, тэмцэх тухай хуулийн төслийг хэлэлцэж байна.

Ө.Энхтүвшин: Зайнаас ажлаа хийх, ажлын байрыг хадгалах зэрэг авч хэрэгжүүлж байгаа ажлыг уг хуулийн төсөлд оруулаад өгөх нь зүйтэй гэж үзэж байна. Мөн татвараас чөлөөлнө гэж заажээ. Гэхдээ хэн татвараас чөлөөлөх гэдэг нь тодорхойгүй байна. Эдгээрийг тодорхойлж оруулах шаардлагатай.

Д.Тэрбишдагва: Хуулийг хэлэлцэх явцад давхардлыг арилгахад анхаарах хэрэгтэй. Бусад хуулиуд дээр нэгэнт хэрэгжээд явж байгаа заалтыг цэгцлэх ёстой. Хоёрдугаарт, хүний амьдралын хамгийн чухал эх үүсвэр хүн. Өнөөдөр Монгол Улсад 30 орчим хувийн ядуурал, ажилгүйдэл байна. Эдгээр хүмүүсийн байдал эдийн засгийн хүндрэлийн улам хүндэрнэ. Тархалтад ч нөлөөлнө шүү дээ. Тиймээс эдгээрт иргэдэд анхаарах хэрэгтэй. Гуравдугаарт, сонгууль цаг хугацаандаа явуулах ёстой. Гэхдээ онцгой нөхцөлд сонгуулийг хэрхэн явуулах, хариуцлага ямар байх, хүмүүс хоорондын зай ямар байх талаар тодорхой зохицуулалт хийх хэрэгтэй.

Б.Саранчимэг: Цар тахлын үед нийгмийг тайван байлгах нь хамгийн чухал байна. ДЭМБ-аас иргэдийнхээ нийгмийн гутаан доромжлолоос урьдчилан сэргийлэх тал дээр илүү анхаарах ёстой гэж үзэж байна. Тэгэхгүй бол өвчнөө нуун дарагдуулах, өвчин тархах эрсдэл учрах учраас хуульд тусгах шаардлагатай байна.  

Б.Лхам