УИХ-ын 2020 оны сонгуульд найман нам, нэг эвсэл өрсөлдөхөөр бүртгүүлээд буй. Тэгвэл өнөөдөр МАНХ, ИЗНН, УНН-ын эвсэл болон МАН-аас мөрийн хөтөлбөр, хандивын тайлан зэргийг Сонгуулийн Ерөнхий хороонд хүргүүлсэн бол үүний араас ШИНЭ эвсэл нам мөн мөрийн хөтөлбөрөө хүлээлгэн өглөө. Энэ үеэр тус намын гишүүн, УИХ-ын гишүүн Л.Болд "Бид гажуудлыг засаж, шударга ёс тогтоож, үйлдвэрлэлийг хөгжүүлж, үндэсний эв санааг төлөвшүүлэхээр сонгуульд өрсөлдөж байна" гэдгээ мэдэгдсэн юм.

-Эвсэл байгуулж ялалт байгуулж болох ч дараа нь эвсэл яаж эв найртай байх вэ?

-Төрийн эрх баригчид эвсэл Засаг барих вий гэж айсандаа эвслээс нэг л нам гарахад эвсэл задардаг байх хууль баталсан. Энэ бол дэлхийн аль улсад байхгүй тогтолцоо. Тиймээс энэ хуулийн санкцыг бид өөрчилсөн. Улмаар эвсэл тогтвортой үйл ажиллагаа явуулах боломж бүрдсэн. Монгол Улсд бүртгэлтэй намуудаас 11 нам энэ эвсэлд багтсан. Зөвхөн нам биш 100 гаруй төрийн бус байгууллага, мэргэжлийн холбоод, эрдэмдийн төлөөлөл багтсан. Ийм олон төлөөлөл багтсан учир нь замын голоос зарим нь буцахыг үгүйсгэхгүй. Гэхдээ ийм байдал үүсэхгүй байх гэж бодож байна. Учир нь бид ард түмний хүссэн хүнийг нэр дэвшүүлэхээр болсон.

-Эвслийн мөрийн хөтөлбөрт аль намын мөрийн хөтөлбөрийг гол чиг болгосон бэ. Өмнөх мөрийн хөтөлбөр Аудитын шаардлага хангаагүй. Яаж өөрчилсөн бэ?

-Бид мөнгө төгрөг, орон байр амлаагүй. Үндэснхий эрх ашгийг дээдэлсэн, шударга шүүхтэй болно. Ард түмний үзэл санааны дагуу баялагынхаа эзэн болно гэсэн зарчим тусгасан. Аудитын газартай нэр томъёоны асуудалд тохироо хийсэн. Түүнээс биш мөнгө амалсан байна гэж мөрийн хөтөлбөр буцаагүй гэдгийг анхааруулъя.

ШИНЭ намын дарга, УИХ-ын гишүүн Ж.Батзандан "ШИНЭ эвсэл УИХ-ын 2020 оны ээлжит сонгуулийн хүчтэй өрсөлдөгч болон оролцох болно. Монгол Улсын өнгөрсөн 30 жилийн түүхийг судаллаа. Энэ хугацаанд МАН, АН ээлжиж төр барьсан. Өнгөрсөн бүхнийг алдааг засах мөрийн хөтөлбөр боловсруулсан. ШИНЭ Монгол, шударга Монголыг бүтээхийн төлөө явна" гэлээ.