Хэрвээ энэ хашааг нураавал Натурын зам руу нэвт гэрсэн чиглэл нээгдэн.

Гэтэл нийтийн эзэмшлийн талбайг чөлөөлөхийг эсэргүүцэж буй нь

Монголын барилгын салбар тэр дундаа дээд зэрэглэлийн стандарттай, тэр хэрээрээ улстөрч, бизнесмэнүүд зэрэг бэл бэнчинтэй хүмүүст зориулсан орон сууцны барилга барьдаг цөөн хэдэн компани бий. Тэдний нэг нь APIP буюу “Азиа Пасифик Инвестмэнт Партнерс” ХХК-ийн барьсан “Реженси Резиденс” орон сууцны барилга.

Тус барилгад Монголын урлаг, спортын цуутнуудаас эхлээд улс төрд нөлөө бүхий эрхмүүд олноор оршин суудаг.

Уг орон сууны барилгын зүүн талд "Шинэ Үе" ахлах сургууль байх бөгөөд эдгээрийн дундуур явсан нийтийн эзэмшлийн талбайг хаасан хашааг буулгаж, дугуйн зам гаргах захирамжийг хотын дарга С.Амарсайхан энэ сард гаргажээ. Гэтэл  “Реженси Резиденс” орон сууцны СӨХ-өөс үүнийг нь эсэргүүцэж багагүй хэл ам хийж байгаа аж. Угтаа бол зурган дээр харагдаж байгаа хашааг “Шинэ Үе” сургуулийн ард байрлах хувийн хаусын эзэд талбай хэтрүүлэн барьсан байсныг татуулсан байна. Хаусны эзэд талбайгаа татаж, хашаагаа шинээр барьсан ч хуучин хашаагаа буулгаагүй нь өнөөдрийн маргаан үүсэх нөхцөл бүрдсэн гэхэд болно.

Дээрх хашааг буулгавал машины түгжрэл багагүй ч гэсэн буурах сайн талтай аж. 

Тиймээс хотын даргын захирамжаар хашаа буулгахаар албаныхан очих үед СӨХ-ны хүмүүс эсэргүүцэж, "Автомашины гражны уулзвар ойрхон байна. Хүн гэмтэх эрсдэлтэй" гэжээ.

Эл тайлбараас үзвэл, “Азиа Пасифик Инвестмэнт Партнерс” ХХК нь “Реженси Резиденс” орон сууцны барилга барихдаа автомашины гражийн эргэлтийн цэгээ нийтийн эзэмшлийн зам талбайгаас холдуулах учиртай байсан нь ойлгомжтой. Гэтэл эцэстээ СӨХ-өөс нь ийм тайлбар хийгээд хотын даргын шийдвэрийг эсэргүүцэх буй бололтой. Иргэдийн эрүүл мэнд, амь насыг хамгаалах нь зүйн хэрэг.

Гэхдээ “Реженси Резиденс”-ийн оршин суугчид дүрэмд заасны дагуу хурдаа тохируулаад граж руугаа ороход нэг их асуудал үүсмээргүй мэт. Тэгээд ч борчуудын хороолол байсан бол хууль бол хууль гээд орон гэрийг нь нураах нь холгүй хуулийн хэрэгжилтийг хангадаг.

Гэтэл томчуудын амьдардаг хорооллын зэргэлдээх нийтийн эзэмшлийн талбайг чөлөөлөх болохоор иргэдийн аюулгүй байдлаар далайлгадаг үйлдэл эцэстээ гаарах нь. Үүний нэг баталгаа нь дээрх үйлдэл гээд хэлчихэд нэг их буруудахгүй болов уу.

Эцэст нь нийтийн эзэмшлийн зам талбайг чөлөөлөх нь хуулиа дээдэлсэн үйлдэл болно уу гэхээс алдар цуутай, эрх мэдэлтэй нэгний эрх ямбыг хамгаалсан үйлдэл болохгүй нь лавтай.

Г.Маргад