Франц улсын иргэн коронавирусний халдвар авсан нь батлагдаж ХӨСҮТ-д хэвтэн эмчлүүлж байгаад эдгэрсэн билээ. Тэрбээр өнөөдөр эх нутагтаа буцсан байна. Тэрбээр буцахаасаа өмнө Монголын эмч ажилтнуудад баярлаж талархсанаа илэрхийлээд нийт монголчуудаас уучлалт гуйжээ. 

Энэ талаар ХӨСҮТ-ийн дарга Д.Нямхүү "Сайхан мэдээ дуулгая. Франц иргэн бүрэн эдгэрээд гэртээ харьлаа. Тэр хүн "Монгол орон намайг аварлаа. Хэрвээ би Францдаа байсан бол намайг ямар ирээдүй хүлээж байсныг би мэдэхгүй байна. Тиймээс та бүхэнд баярлалаа. Бас нийт монголчуудаасаа уучлалт гуйя. Хэдийгээрээ би бүрэн эдгэрсэн ч гэлээ амны хаалт зүүж, бээлий өмссөн. Учир нь монголчуудыг дахиж гомдоохыг хүсэхгүй байна" гэж хэлсэн гэлээ.