Ерөнхий сайд асан М.Энхсайханыг хшүүхээс түүнийг гэм буруутайд тооцож, Эрчим хүчний яаманд хохирол учруулсан гэж үзсэн бөгөөд 55 сая төгрөгийг нөхөн төлүүлэх, нийтийн албанд томилогдох эрхийг дөрвөн жилийн хугацаагаар хасч, 4.6 жилийн хугацаагаар хорих ялаар шийтгэж, эрх хасах ялыг хугацаатай хорих ял эдэлж дууссан цагаас эхлэн тооцсон шийдвэр гаргасан билээ.

Шүүхийн уг шийдвэрийн талаар Ерөнхий сайд асан М.Энхсайханы өмгөөлөгч Д.Оросоо сэтгүүлчдэд мэдээлэл хийлээ. Тэрбээр "Хөөн хэлэлцэх хугацаа дээр хуулийг буруу хэрэглэсэн. Энэ бол 2015 оны дөрөвдүгээр сарын 23-ны өдөр УИХ-д Засгийн газар өргөн мэдүүлсэн тогтоолын төсөлтэй холбоотой үйлдлийг гэмт хэрэг үйлдсэн өдөр гэж прокурор яллаж байна. Эрүүгийн хуульд гэмт хэрэг үйлдсэн өдрөөр хөөн хэлэлцэх хугацааг тоолох ёстой. Энэ утгаараа эрүүгийн хэргийн хөөн хэлэлцэх хугацаа дууссан. Тиймээс хэргийг шийдэх боломжгүй. Шүүх хуралдааны үеэр шинжээч нар алдаатай дүгнэлт гаргасан гэдгээ хүлээн зөвшөөрсөн.  Энэ нь хэргийг прокурорт буцаах хангалттай үндэслэл. Анхан шатны шүүхийн шийдвэр гарлаа.

Бид шүүхийн шийдвэр гардан авангуутаа давж заалдах шатны дараагийн шүүхэд гомдол гаргана.

Манай үйлчлүүлэгчгэмт хэрэг үйлдээгүй" гэсэн юм.

Ташрамд дурдахад, НПГ-аас Ерөнхий сайд асан М.Энхсайханд Эрүүгийн хуулийн тусгай ангийн 19.6 дугаар зүйлийн 1, 22.1 дүгээр зүйлийн 1, 2 дахь хэсэгт зааснаар яллах дүгнэлт үйлдэж хэргийг шүүхэд шилжүүлснийг өнөөдөр ийн шийдлээ.