Хадгаламжийн даатгалын корпорацийн захирал Х.Бум-Эрдэнэтэй холбоотой асуудлууд сүүлийн хэд хоногийн дуулиан болж байв.

Тэрбээр “Шангри-Ла Улаанбаатар” зочид буудалд арван сараар иогийн өрөө түрээслэхийн тулд Хадгаламжийн даатгалын корпорацийн данснаас “Шангри Ла Улаанбаатар Хотел” ХХК-ийн дансанд 30 сая төгрөг шилжүүлсэн, “Интернэйшнл Медикал Сентер” эмнэлэгт урьдчилан сэргийлэх үзлэг, багц шинжилгээний төлбөрт 10.5 сая, орон сууцны нөхцөл сайжруулахад өөртөө зориулан 45 сая төгрөгийг гаргуулсан. 

Мөн Улсын ерөнхий прокурор асан М.Алтанхуягийн төрсөн хүү гэдэг нь ч ил болж, олон улсын Эрэн сурвалжлах сэтгүүлчдийн консорциумаас “Панамын баримт бичиг”-ийг дэлгэхэд Монгол Улсаас 49 компанийн бүртгэл байснаас дөрөв нь тухайн үед Санхүүгийн зохицуулах хорооны дэд даргаар ажиллаж байсан Х. Бум-Эрдэнэтэй холбоотой байсан билээ.

Тиймээс Х.Бум-Эрдэнэ албан тушаалаасаа бууж, ажлаа өгөхөөр болсон байна.

У.Тэргэл