Монгол Улсын Ерөнхийлөгч асан Н.Багабанди "Оюутолгой"-н ТУЗ-д үлдэхээр залуу үеэ заналхийлж байгаа талаар бид өмнө нь мэдээлж байсан билээ. Энэ ч ёсоор болж, өчигдрийн Засгийн газрын хуралдаанаар Н.Баганбандийг ТУЗ-ийн гишүүнээр нь хэвээр үлдээх шийдвэрийг гаргасан байна.

Энэ талаар өнөөдөр УИХ-ын гишүүн Н.Алтанхуяг "Би Ерөнхий сайд болоод Н.Багабандийг "Оюутолгой"-н ТУЗ-өөс болиулж байсан. Ерөнхийлөгч, Ерөнхий сайдууд гаднын хөрөнгө оруулагчдаас хол байх нь зөв. ТУЗ-д хэл усыг нь мэддэг, асуудлаа судалсан, мэргэшсэн хүн байх ёстой. Би Н.Багабанди даргад би захидал бичнэ. Та үүнээсээ татгалзах хэрэгтэй гээд. Ер нь энэ хүн "Оюутолгой"-н ТУЗ-д байхгүй бол үхчих гээд байгаа юм байх даа. Энэ бол маш буруу. Би Ерөнхийлөгч асан Н.Багабандийн оронд байсан бол ёсзүйгээ, улс орноо бодоод элдэв юм болохгүйгээр больчих байсан. Хэрэв энэ хүнийг үлдээчихсэн бол төр ялзарч байна гэсэн үг" хэмээн бухимдав. 

Б.Баатар