"Шүүхэд итгэх итгэл ба шүүгчийн сахилга хариуцлага" сэдэвт хэлэлцүүлэг өнөөдөр болж өнгөрлөө. Хэлэлцүүлгийн үеэр шүүгчийн ёс зүйн гомдолтой холбоотой тоон мэдээллээс гадна Шүүхийн тухай хуулийн төсөлд шүүгчийн ёс зүйн асуудлыг хэрхэн тусгах талаар судлаачид санал солилцсон юм. Сүүлийн гурван жилд Шүүхийн ёс зүйн хороонд ирүүлсэн шүүгчидтэй холбоотой гомдлыг авч үзвэл, 2019 онд 194 болж 39 буюу 20 хувиар, гомдолд дурдсан шүүгчийн тоо 62 буюу 22 хувиар өссөн байна. Түүнчлэн 2020 онд 205 шүүгчид холбогдох 126 гомдол хүлээн авсан нь гомдлын тоо буурах хандлагатайг харуулжээ.

Шүүхийн ёс зүйн хороо нь 2015 оноос энэ оны аравдугаар сарын 22-ны өдрийн байдлаар давхардсан тоогоор нийт 1943 шүүгчид холбогдох 1303 гомдол хүлээн авснаас 80 гаруй хувьд нь сахилгын хэрэг үүсгэхээс татгалзаж, 20 орчим хувьд нь сахилгын хэрэг үүсгэн шалгаж, нийт 69 шүүгчид сахилгын шийтгэл ногдуулсан боловч 74 хувь нь шүүхийн шатанд хэрэгсэхгүй болжээ. Энэ хугацаанд 18 шүүгч хуулийн хүчин төгөлдөр шүүхийн шийдвэрээр сахилгын шийтгэл хүлээсэн байна. Тодруулбал, есөн шүүгчид сануулах арга хэмжээ, долоон шүүгчид цалин бууруулах, хоёр шүүгчийг огцруулах сахилгын шийтгэл тус тус хүлээлгэжээ.

У.Тэргэл