МАХН-ыг МАН-аар сольж, сонгогчдын эгдүүцлийг төрүүлээд буй Э.Магнайбаяр намаа сольсон шалтгаанаа тайлбарласан талаарх мэдээлэл цахим орчинд хөвөрч, олны анхаарлыг дахин татаж эхлэв. Тэрбээр "Надад албан тушаал, мөнгө, байр амалсан уу гэвэл амалсан. Надад "Энканто" гэх хотхонд 5 өрөө байр өгнө гэж хэлсэн. Би гэхдээ түүнийг зөвшөөрсөндөө МАН-д элсэж ороогүй. Ер нь залуу хүн амьдралын баталгаагаа хангаж байж ард иргэдийнхээ төлөө ажиллана шүү дээ. Энэ баталгааг бий болгохын төлөө хичээн ажиллах болно оо" гэх тайлбар бүхий түүний зураг цахим орчинд дуулиан тариад байгаа юм. 

Түүнчлэн энэхүү мэдээлэлтэй холбоотойгоор "Оргил"-ын гэх тодотголтой Ж.Ганбаатар Э.Магнайбаярыг "худалдаж авсан" юм биш биз гэх асуулт ч хариултаа нэхэж эхэллээ. Учир нь "Энканто" хотхоны "босс" нь УИХ-ын Ж.Ганбаатар гэдгийг мэдэхгүй хүн үгүй. Тиймээс ч дээрх хардлага төрж буй биз ээ. Энэ талаар иргэд ийн жиргэжээ. 

Б.Баатар