УИХ-ын гишүүн асан Ж.Энхбаяр Эрдэнэт үйлдвэрийн 49 хувьтай холбоотой асуудлыг шалгах ажлын хэсгийн гишүүний ажлаа өнөөдөр өгчээ.

Энэ нь Ж.Энхбаяр Эрдэнэт үйлдвэрийн дараагийн дарга болох магадлал өндөр болсныг илтгэж байна.

Ийнхүү өгүүлэхийн учир нь,  сүүлийн өдрүүдэд "Эрдэнэт үйлдвэр" ТӨҮГ-ын дарга Х.Бадамсүрэн эрх мэдэл, албан тушаалаа ашиглан төрийн мөнгөөр хүүхдийнхээ сургалтын төлбөрийг төлүүлж, өндөр үнэтэй авто машин, унадаг дугуй худалдан авсан зэрэг олон асуудал “Шилэн данс”-аар ил болж, суудлаасаа буух тухай яригдаж буй.

Үүнтэй зэрэгцэн Х.Бадамсүрэнгийн орыг залгах дараагийн хүнээр УИХ-ын гишүүн асан, Ерөнхий сайдын зөвлөх Ж.Энхбаярыг нэрлэсэн. Харин Ж.Энхбаяр Эрдэнэтийг шалгах ажлын хэсгээсээ гарсан нь дээрх мэдээллийг бататгасан хэрэг боллоо. 

Б.Баатар