Өвлийн тэргүүн сарын шинийн нэгэн буюу арваннэгдүгээр сарын 16-ны даваа гарагт Их эзэн Чингис хааны мэндэлсний 858 жилийн ой, Монгол бахархлын өдөр тохиож байгаа бол арваннэгдүгээр сарын 26-ны пүрэв гарагт Монгол Улс Анхдугаар Үндсэн хуулиа баталж, Бүгд Найрамдах Монгол Улс тунхагласны 96 жилийн ойн өдөр болно. Тиймээс Нийтээр тэмдэглэх баяр болон тэмдэглэлт өдрүүдийн тухай хуулийн дагуу энэ сард хоёр удаа амрах юм.

Их эзэн Чингис хааны мэндэлсэн өдрөөр Монгол Улсын Ерөнхийлөгч зарлиг гаргаж, “Чингис хаан” одонгийн эзэнг шалгаруулдаг уламжлалтай. "Чингис хаан" одонг 2005 оноос олгож эхэлсэн бөгөөд 2007, 2008, 2018 онд өнжиж байжээ. Энэ жилийн хувьд “Хамаг Монгол” төслөөрөө УИХ-ын гишүүн асан, МУГЖ, дуучин С.Жавхлан хүртэнэ гэсэн яриа бий.

"ЧИНГИС ХААН" ОДОН ХҮРТСЭН ЭРХМҮҮД
 

2005 он: Монгол Улсын анхны Ерөнхийлөгч П.Очирбат

2006  он: Төрийн шагналт, Урлагийн гавьяат зүтгэлтэн, хөгжмийн зохиолч Б.Шарав

2009 он: Ерөнхий сайд асан Д.Бямбасүрэн

2010 он: Шинжлэх ухааны Гавьяат зүтгэлтэн Р.Гончигдорж

2011 он: Монгол Улсын хоёр дахь Ерөнхийлөгч Н.Багабанди

2012 он: Монгол Улсын Гавьяат эдийн засагч, доктор Д.Дэмбэрэл

2013 он: Монгол Улсын Ерөнхий сайд асан Д.Содном

2014 он: Академич Х.Намсрай

2015 он: Соёлын Гавьяат зүтгэлтэн зохиолч, яруу найрагч Г.Мэнд-Ооёо

2016 он: Монгол Улсын Гавьяат жүжигчин, дуучин Г.Ариунбаатар

2017 он: Монгол Улсын Хөдөлмөрийн баатар, Гавьяат тамирчин, "Бээжин-2008" олимпийн аварга Н.Түвшинбаяр

2019 он: "The Hu" хамтлаг