Эрүүл мэндийн байгууллагаас“Ковид 19” цар тахлын хүнд энэ цагт тодорхой хугацаатай мэдээлэл өгч байгаа. Харин өнөөдөр ХӨСҮТ-ийн захирал Д.Нямхүү өгөх мэдээллээсээ халин, хамт олон болоод хэвлэлийнхэн цаашлаад нийгмийг буруутган гомдлоо тайлав. Тэрбээр халдвар авсан хүмүүсийн талаарх мэдээллийг манайхаас хэн өгөөд байна. Асуухаар бүгд үгүй гэх юм.
Энэ олон хүнээс хэнийг нь гэх юм. Тэгээд ч хэвлэлийнхан та нар зогсоо зайгүй битгий залга. Бид шөнө унтаагүй. Одоог хүртэл ажиллаад явж байна. Иргэд ч үүнийг ойлгох ёстой ” хэмээн тунирхав. Үнэндээ түүнийг ажлын их ачааллаасаа болж бухимдлаа гэж зөвтгөж болох ч үндсэн ажил нь гэдгийг тэрбээр бас мартаж болохгүй. Халдварын тохиолдол ихэсч, дотооддоо алдсан, цаашид нэмэгдсэн үү гэх бодит мэдээллийг авах гэсэн олон нийтийн хүлээлтийг тэрбээр бухимдлаараа ийнхүү тайлав.
Д.Нямхүү захирлын энэ араншинг ойлгож болох ч бүхэл бүтэн эмнэлгийг удирдаж байгаа, дээр нь цар тахлын энэ хүнд үед нийгмийг айдаст автуулахгүйгээр мэдээллийг үнэн мөнөөр өгөх хэмжээний сэтгэлийн тэнхээ, хат түүнд дутаж байгаа нь эндээс харагдаж байна.
Сэтгэгдэл (59)