Халдварын тохиолдол илэрсэн иргэд явсан маршрутаа нуух тохиолдол гарч байгаа аж. Энэ талаар ХӨСҮТ-ийн тандалт судалгааны албаны дарга А.Амбасэлмаа "Явсан чиглэлээ нуусан халдвар тээгч Сүхбаатар дүүрэгт байрлах "Говьсайхан" караокегоор энэ сарын 9-ны 17-20 цагт үйлчлүүлснийг тогтоосон. Тиймээс тухайн цагт дээрх төвөөр үйлчлүүлсэн иргэд ЭМЯ-ны 119 дугаарт хандана уу" гэдгийг онцоллоо.

Цагдаагийн Ерөнхий газрын дэд дарга Ж.Амгалан "Халдвар авсан иргэд явсан маршрут уулзсан хүний талаарх мэдээллээ нуулгүй хэлэх ёстой. Хэрэв нуусан тохиолдолд Зөрчлийн тухай хуулиараа гэмт хэргийг нуун дарагдуулсан гэх үндэслэлээр хариуцлага хүлээлгэх хуультай. Тиймээс хүн бүр үнэн зөв мэдээллээ өгөх шаардлагатай" гэлээ. 

Б.Баатар