"Энхсаран" сувилалд тусгаарлагдаж байгаад гэртээ гарсан тээврийн жолоочоос коронавирусний халдвар илэрч, Монгол Улс гамшгийн бэлэн байдлын зэрэгт шилжээд байгаа билээ.

Тухайн иргэн 21 хоногийн тусгаарлалтаа дуусгаад гэртээ гарсан байсан ч халвар илэрсэн нь олон хүний гайхширлыг төрүүлээд байгаа юм. Харин тус сувилалд тусгаарлагдаж байсан иргэд "Энхсаран" сувилал халдвар хамгааллын дэглэм алдсанаас болж, халдвар алдсан болохыг мэдээлээд буй. Тэгвэл Ерөнхий сайд У.Хүрэлсүх болон Шадар сайд Я.Содбаатар нарын өгсөн чиглэлийн дагуу "Энхсаран" сувилалд эрүү үүсгэж, шалгах ажлыг эхлүүлсэн байна. 

Ташрамд өгүүлэхэд "Энхсаран" тусгаарлалтад байсан 81 хүнийг өнөөдөр нүүлгэн шилжүүлсэн юм. Тэднээс авсан урьдчилсан шинжилгээгээр коронавирусний халдваргүй гэж гарсан учраас эрсдэлийн голомт болсон тус сувиллаас яаралтай нүүлгэн шилжүүлж, Dream зочид буудалд байрлуулаад байгаа юм.

Б.Баатар