"Миний харах өнцөг" уран бүтээлийн нэгдлийн залуус нийгмийн хариуцлагын хүрээнд цар тахал дэгдсэнтэй холбоотойгоор иргэдэд амны хаалт, гар ариутгагч бодис, нэг удаагийн бээлий тарааж эхэлжээ. Энэ талаар тус нэгдлийг үүсгэн байгуулагч Ч.Чой-Батзэвэгтэй ярилцлаа.

-Танай нэгдлийн зүгээс цар тахлын энэ үeд иргэд рүү чиглэсэн олон ажлыг хийж эхэлсэн гэлээ. Энэ талаарх мэдээллийг өгөхгүй юү?

-Миний харах өнцөг уран бүтээлийн нэгдлээс Амны хаалтаа тогтмол зүүe аянг өрнүүлж, нийслэлийн 9 дүүрэг болоод Архангай,Булган, Орхон, Дорноговь,Дорнод, Хэнтий зэрэг олон аймагт амны хаалт,гар ариутгагч бодис, нэг удаагийн бээлий нийгмийн хариуцлагын хүрээнд үнэгүй тарааж байна.

Манай нэгдэл 30 ажилтантай. Бид өнгөрсөн нэгдүгээр сард буюу цар тахал анх дэгдэж байхад нэг гишүүн 15 амны хаалт оёж нөөц бүрдүүлсэн.

Сая нэг гишүүн 50 амны хаалт оёж нийлүүллээ. Энэ бүгдийг мөн нэг удаагийн амны хаалтыг иргэдэд үнэгүй түгээж байна. Аян хэдий хугацаанд үргэлжлэх вэ? Аянг арваннэгдүгээр сарын 26 наас эхлүүлсэн. Харин одоо хөл хорио дуустал буюу арванхоёрдугаар сарын 1 хүртэл үргэлжилнэ.

-Танай нэгдлээс амьжиргааны төвшин доогуур айл өрхийн судалгааг авч хэрэгцээт хүнсээр нь хангаж байгаа гэсэн. Мөн эдгээр ажлыг гардан гүйцэтгэж буй залуустаа хандаж юу хэлэх вэ?

-Бид эмзэг бүлгийн болон өрх толгойлсон эх,эцэг гэх амьжиргааны төвшин доогуур айл өрхийн судалгааг дүүрэг бүрээс авч байна. Өнөөдөр гэхэд л Хан-Уул дүүргийн 150 өрхийн судалгааг авч тэдгээрээс 10 айлыг сонгон гурил,будаа 10 кг, 5 кг мах, гурилан болов зэрэг нэн шаардлагатай хүнсийг нь өглөө. Маргааш чингэлтэй дүүрэг гээд үргэлжлээд явна. Дашрамд, эдгээр үйл ажиллагааг хариуцан ажиллаж байгаа Д.Бүжмаа, Н.Батчимэг нарын олон залуустаа талархлаа илэрхийльe.

У.Тэргэл