Улсын онцгой комиссоос мэдээлэл хийж байна. 

Засгийн газрын хэвлэл мэдээлэл олон нийттэй харилцах албаны дарга Ц.Ганзориг "УОК-ын өнөөдрийн хуралдаанаараа маргаашнаас үйлдвэр, шаардлагатай аж ахуйн нэгжийн нийт ажиллах хүчний 10-15 хувь нь ажиллах хатуу хөл хорионы дэглэмд шилжүүлэх шийдвэрийг гаргалаа.

Улаанбаатар хотын Засаг дарга Д.Сумъяабазар "Бүх нийтийн бэлэн байдлын зэрэгт шилжсэн ч бидний тооцоолж байснаас олон тээврийн хэрэгсэл хөдөлгөөнд оролцож байгаа учраас хөдөлгөөнийг хумих байдал руу орохгүй бол эрсдэл дагуулж байна. Тиймээс маргаашаас эхлээд нийтийн тээврийн хэрэгсэл  07:00-10:00, 17:00-20:00 цагийн хооронд хатуу цагийн хуваарьт шилжүүлж байна. Явганаар явж байгаа хүмүүсийг ч цэгцэлнэ. Хатуу дэглэмтэй байж энэ өвчнийг хумиж чадна. Бусад үед хөдөлгөөн зогсоно гэдгийг ойлгох хэрэгтэй. Ер нь хөл хөдөлгөөнийг 90 хувь хумиж байж өвчлөлийг даван туулах боломжтой гэсэн судалгаа байгаа. Тиймээс иргэд төр засгийн бодлогыг дэмжиж ажиллахыг уриалж байна. 950 автобусыг цаашид үйчилгээнд гаргана. Өнөөдөр ажлын өдөр болохоор иргэд Засгийн газрын тогтоолд заасан ажлын дагуу ажилдаа явж байна гэх үндэслэлээр ачаалал нэмэгдүүлсэн. Үүнтэй холбоотойгоор горим алдагдсан нь үнэн. Тиймээс иргэдийнхээ эрүүл мэнд, амь настай холбоотой асуудал болохоор хяналтыг чангатгахаар боллоо". 

Б.Батчимэг