Сангийн яамнаас цар тахалтай холбогдуулан гадаад улсаас авсан зээл, тусламжийн талаар мэдээлэл өглөө.

Сангийн сайд Ч.Хүрэлбаатар "АХБ-аас 160 сая ам.долларыг хөнгөлөлттэй зээл авсан. Үүнээс 100 сая ам.долларыг төсвийн дэмжлэг болгож авсан. Тухайлбал хүүхдийн мөнгө, халамж, нийгмийн даатгалын шимтгэлийг тэглэх зэрэгт зарцуулсан.
Үүний дараагийн хэсэг нь 30 сая ам.доллар нь эм, эмнэлгийн хэрэгслийн нөөцийн агууламж, 21 аймагт түргэн тусламжийн машин авна. 1.2 сая ам.доллараар 570 орчим төрлийн техник хэрэгсэл авсан. 
 

Мөн 26.4 сая ам.доллараар хүүхдийн мөнгө хөтөлбөр, хүнсний талонд ашигласан. 2.5 сая ам.долларыг буцалтгүй тусламж хэлбэрээр авсан. 

Хоёрдугаарт, БНХАУ-аас 114 сая ам.долларын тусламж авсан нь худал мэдээлэл. Харин 700 мянган ам.долларын буцалтгүй тусламж авсан. Үүгээр 5000 ширхэг оношлуур, 5000 ширхэг амны хаалт, хамгаалах хэрэгсэл зэргийг авсан.
Гуравдугаарт, Европын холбооноос 50.8 сая ам.долларын гэрээ хийсэн. Бодитоор 10 сая ам.доллар авсан. Энэ нь коронавирустэй холбоогүй мөнгө. Дөрөвдүгээрт, ОУВС-аас яаралтай санхүүжилтийн нөхцөлөөр 99 сая ам.доллар авсан. Энэ бол төсвийн дэмжлэг байсан. Энэ мөнгөөр дээр дурдсанчлан Нийгмийн даатгалын шимтгэлийг тэглэх, хүүхдийн мөнгө хөтөлбөрийг хэрэгжүүлэхэд зарцуулсан.
Тавдугаарт, Дэлхийн банкнаас 19.3 сая ам.доллар авсан. Үүгээр 19 суурин аппарат, уушгины аппарат зэрэг нийт 67 төрлийн тоног төхөөрөмж авсан.
26.9 сая ам.долларыг цар тахлаас урьдчилан сэргийлэхэд зарцуулсан. 

Буцалтгүй тусламжаар 1 сая ам.доллар авсан.

Энэ мөнгийг хамгаалах хэрэгсэл авахад зарцуулна. Гүйцэтгэлийнх нь шатанд явж байгаа.
Түүнчлэн Японы Засгийн газраас 9.3 сая ам.долларын зээл авахаар гэрээлсэн. Одоогоор авсан зүйл байхгүй. 
Ингээд нийт төсвийн дэмжлэг хэлбэрээр 299 сая ам.доллар авахаас 199 сая ам.долларын тусламж аваад байна. Зээлийн гүйцэтгэл 66 хувьтай байна. 100 сая ам.доллар нь хүлээгдэж байна. Харин төслийн санхүүжилтээр 119.4 сая ам.доллар авахаас гүйцэтгэл 20 гаруй хувьтай байна" гэлээ.

Б.Лхам