Эрүүл мэндийн яамнаас 11 цагийн ээлжит мэдээллээ хийлээ. ЭМЯ-ны Шуурхай удирдлагын дарга Д.Нарангэрэл "505 тохиолдол бүртгэгдлээ. Улсын хэмжээнд нийслэл хотод болон таван аймагт коронавирусний халдвар багц хэлбэрээр голомтлогдон бүртгэгдлээ. Иргэд цахилгаан шат хэрэглэхээс аль болох зайлсхийх хэрэгтэй, шатаар явахдаа шатны бариулыг барихгүй байх, гаднаас орж ирээд гадуур хувцсаа сэгсрэхгүй байх, хүүхдээ үнсэхгүй байх хэрэгтэй байна" гэв. 

ХӨСҮТ-ийн Тандалт, судалгааны албаны дарга А.Амбасэлмаа "2020 оны 11 сарын 18-нд 1390 хүнд шинжилгээ хийхэд 31 хүний шинжилгээнд коронавирус илэрлээ. Тодруулбал, Алтанбулагаар орж ирсэн тир машины 30 машины жолоочоос 7 жолоочийн давтан шинжилгээнд вирус илэрлээ.

Харин Дархан-Уул аймагт 3, Сэлэнгэ 4, Дорноговь 1, Орхон 13, Улаанбаатарт шинээр 3 тохиолдолд вирус илэрсэн байна. 

Улаанбаатар хот болон таван аймагт халдвар голомтлон халдварлагдаж байна. Тодруулбал Улаанбаатар хотод нийт 14, Орхон 13, Дархан 11, Говьсүмбэр 1, Дорноговь 1  нийт шинээр бүртгэгдсэн орон нутгийн байршилтай 72 тохиолдол болоод байна. Монгол Улсад батлагдсан тохиолдол 505, үүнээс 329 хүн эдгэрсэн. ХӨСҮТ 169 хүн хэвтэн эмчлүүлж байна. Нэг хүний бие хүнд, 35 хүндэвтэр байна. 166 хүн ашиглалт тандалтад байгаа. Нэг хүний халдвар тараах эрсдэл 2.5-26 хүнд халдвар тараах эрсдэлтэй. Хөл хориог тогтоосноор халдварын тархалтыг 50-60 хувь бууруулах боломжтой учир гэртээ байж, амны хаалт хэрэглэхийг зөвлөж байна. Төмөр зам дагуух газар амьдардаг иргэд өөрсдийн биед ажиглалт тандалт хийж, шинжилгээ өгөхийг зөвлөж байна.  

Б.Батчимэг