Ковид-19"-ийн халдварын голомт болох Энхсаран сувиллын үйл ажиллагааг зогсоож, ариутгал халдваргүйжүүлэлтийг хийгээд байгаа билээ. Мөн тус сувилалд байсан 81 иргэнийг шинжилгээнд хамруулснаар нийслэл дэх зочид буудлуудад шилжүүлэн байрлуулсан. Харин тус сувиллын эзэд хэн бэ.

Тэдэнд хариуцлага тооцох асуудлыг яагаад хөндөхгүй байна гэж олон хүн асууж байна.

Сувилалд тусгаарлалтад байсан иргэд нэгнийхээ өрөөнд цуглан хөзөр тоглодог, 18 хонож байгаа хүний өрөөнд шинэ хүнийг оруулж байсан, халуун усанд олноор нь оруулдаг зэрэг шүүмжлэлтэй олон мэдээлэл нийгэмд тархсан. Мөн гадаадаас эрүүл ирээд Энхсаран сувиллаас халдвар авснаа нэгэн залуу баримттай нь ярьж байсан билээ.

Иргэд ч энэ сувиллын эздийг хайж, нэхэж байгаа. Тэгвэл Энхсаран сувиллын эзэн Ганчимэг болон түүний хүү Түмэннастын нэр дээр байдаг аж.

Тэд Био комбинатын харъяат бөгөөд тэднийг цагдаагийн байгууллагаас шалгаад эхэлсэн талаар Хууль зүйн сайд хэлж байсан. Харин Энхсаран сувиллын эзэн Түмэннаст бүхий л бурууг УОК руу чихэж, тэд л сахилга, дэг журам, эрүүл ахуйн гээд бүхий л асуудлыг хариуцах учиртай. Бид сувиллаа л "гаргаж өгсөн" хэмээн ярьжээ. Ийнхүү цар тахлын голомт бий болгосноо ээж,хүү хоёр үл ойшоон өөрсдийгөө өмөөрч сууна.