Улаанбаатар хотын ерөнхий менежер Т.Гантөмөр "Нийслэлийн хэмжээнд 43 цэгээр нөөцийн мах худалдаж байна. Өчигдөр 23 цагт Улсын Онцгой комисс хуралдсан. Үүний дараа Нийслэлийн Онцгой комисс хуралдаж, өнөө өглөөнөөс эхлэн хүнс хүргэлтийн үйлчилгээг 07:00-17:00 цагт явуулахаар шийдвэр гаргасан. 

Хүнсний чиглэлийн 770 үйлдвэр байна. Хүнсний хангамж хүргэдэг томоохон сүлжээ дэлгүүр, үйлдвэрийн 2000 машин, хүнс импортын 220 ААН-ийн 2000 машин энэхүү цагийн хуваариар, тээврийн дугаарын хязгаарлалтад өртөхгүйгээр 3731 дэлгүүрт бараа бүтээгдэхүүнээ хүргэнэ. 

Үүнд 350 орчим том маркетуудад хүргэх юм. Эдгээр нь цааш өөрийн сүлжээ жижиг дэлгүүрүүдэд энэ цагуудад бараа материалаа хүргэж өгнө. Гэр хорооллын алслагдсан дэлгүүрүүд дурдагдсан хугацаанд бараагаа авч амжаагүй бол өөрийнхөө хүнсний зориулалтын жижиг машинаар 07:00-10:00 цагт холбогдох хүнс авдаг, гэрээлсэн бөөний захуудаас бараа хангалтаа хийх шийдвэр гарсан.

Цаашдаа хүнсний худалдаатай холбоотой мөн эм ханган нийлүүлэх зэрэг үйлчилгээнд явдаг бүх төрлийн машиныг QR системд холбож байна. Даваа гараг гэхэд бүртгээд дуусвал бүх машин уг системээр холбогдож тодорхой цагуудад ажиллах юм. Цагдаагийн байгууллага өнөөдрөөс дээрх үйлчилгээний автомашинуудыг саадгүй нэвтүүлэх болэо. Ийм шийдвэр гарсан" гэлээ.

Б.Баатар