Төр,засаг "корона"-д зориулсан төсөв боллоо хэмээн тодотгож байсан ч яг үнэндээ эрсдэлтэй нүүр тулбал ямар арга хэмжээ авах, ялангуяа жижиг, дунд худалдаа үйлдвэрлэл эрхлэгчдээ хэрхэн дэмжих ямар ч төлөвлөгөө, тооцоо судалгаа алга.

Тиймдээ ч төр засаг барьц алдан энэ хэрээр олон зуун хүн ажилгүй, орлогогүй болж, "Ковид-19" ийн дараа ядуусын эгнээнд шилжих нь. 2021 оны нэгдүгээр сарын 1- нээс иргэдийн амьжиргааны төвшин тогтоох шинэчилсэн судалгааг авна.

Харин хөндлөнгийн байгууллагуудын судалгаагаар, Монгол улс он гараад нэг сая ядуустай , амьжиргааны төвшин доогуур орон болно хэмээжээ.

Зургаан ажилтантай талх, нарийн боовны цeх, гурван суудал түрээслэдэг үсчин, гоо сайхны салон, хэрчсэн гурил, бууз банш нийлүүлдэг цeх, дугуй засвар зэрэг өдрийн орлогоороо амь зуудаг газрууд хаалгаа барьж, дампуурч эхлээд байна.

Тэдний цалинжуулдаг 3-10 хүний ар гэр мөн орлогогүй үлдэж байгаа юм. Хамгийн гол нь хувийн хэвшлийнхэн зохих татвар шимтгэлээ цагт нь төлдөг. Татварынх нь мөнгийг бусдад тараагаад байдаг ч энэ хүмүүст буцаж ирэх хариу байдаггүй. Харин одоо бол давагдашгүй хүчин зүйлийн өмнө хүчин мөхөсдөж, төр, засгаасаа дэмжлэг хүссэн ч найдвар алга.

Бодлогын хүүгээ 2 хувиар бууруулсныг эс тооцвол шүү дээ. Нийгмийг чирж явдаг давхаргаа дампууруулж, олон зуун хүнийг харсаар суугаад ядуусын эгнээнд оруулсан гэх хар толботой үлдэх нь, одоогийн эрх баригчид.

У.Тэргэл