УИХ-ын ээлжит цахим чуулганаар зарим бүтээгдэхүүнийг гааль, НӨАТ-аас чөлөөлөх Төсвийн байнгын хорооноос орж ирсэн хуулийн төслийг хэлэлцэж, гишүүдийн олонхийн саналаар анхдугаар хэлэлцүүлэгт бэлтгүүлэхээр шийдвэрлэлээ. 

Энэ үеэр УИХ-ын дарга Г.Занданшатар "МҮХАҮТ-аас хөл хориог цааш хэвээр үргэлжлүүлбэл хагас сая гаруй хүн ажилгүй болж, ААН-үүд үүдээ хаах талаар судалгаа ирүүллээ. Цар тахлын тухай хууль батлахдаа л Засгийн газрын холбогдох байгууллагуудад үрэг өгсөн. Цахим худалдаа, хүргэлт, шуудангийн үйлчилгээний ажилчдыг сургаж, хүргэлт хийлгэх зэрэг шийдвэр гаргасан.

Эдийн засаг энэ байдлаар хаалттай байвал иргэд хоолгүй болох нь. Айдас түгшүүр биш боломжоор удирдах нь энэ нөхцөл байдлыг давах нэг алхам.

Хүн бүр маскаа зүүж, зайгаа баръя. Үүний хажуугаар эдийн засгаа унагахгүй, иргэдийг унагахгүй байх бүх боломжийг ашиглая.

2021 оны эхний хагас жилд вакцин гарах нь нэгэнт тодорхой болчихлоо. Монгол орны уур амьсгалд ал нь тохирох талаар эрдэмтэн, судлаачдаас бүрдсэн ажлын хэсэг байгуулъя" гэлээ.

А.Сүх