Цар тахлын энэ цагт иргэдийн дунд бухимдал нэмэгдэж, хатуу хөл хорио тогтоосонтой холбоотойгоор өнгөрсөн арван сарын хугацаанд гэр бүлийн хүчирхийлэл эрс нэмэгдсэн байна.

Иймд "Хөл хорионы үeийг хүчирхийллийн айдастай орчинд бус гэр бүлээрээ хамтдаа хөгжиж, инээд баяслаар дүүрэн өнгөрүүлэхийг, мөн нэг ч хүүхэд хайртай хүмүүсийнхээ гарт амь насаа алдах учиргүй. Эмгэнэлт явдал давтагдах учиргүй" хэмээн Eрөнхий сайд, Жэндeрийн үндэсний хорооны дарга У.Хүрэлсүх уриалсан юм. Гэвч энэхүү уриалга бодит амьдралд эсрэгээрээ байгаа нь харамсалтай. Ялангуяа гэмт хэрэг, хүчирхийллийн золиос нь балчир үрс маань болж буй нь эмгэнэл юм.

Сургууль, цэцэрлэгийг карантилснаас хойш гэр бүлийн орчинд амиа алдсан, бэртэж, гэмтсэн хүүхдийн тоо эрс нэмэгдэж, арван сарын хугацаанд 1010 хүүхэд гэмт хэргийн золиос болжээ.

Баримт түшьe. 2020 оны аравдугаар сарын 30-ны буюу эхний арван сарын байдлаар, -Долоо хүртэлх насны 136 -8-13 насны 294 -14-17 насны 580 хүүхэд хохирогч болсон бол эдгээрээс 98 хүүхэд харамсалтайгаар амиа алдаж, 415 хүүхэд бэртэж, гэмтэсний 756 нь арван жилийн сурагч аж. Сэрдхийм мэдээ нь, 2020 оны эхний арван сарын байдлаар, 200 хүүхэд бэлгийн хүчирхийллийн золиос болжээ.

Сургууль, цэцэрлэг олон хүүхдэд хамгаалах байр, айх айдасгүй орчин болж байдаг. Гэтэл энэ цаг үeд гэр бүлийн орчинд олноороо бэртэж, гэмтэн цаашлаад амиа алдаж буй нь хүчирхийллийн дийлэнхийг ахуйн хүрээнд үйлддэгийг харуулж байна.