УИХ-ын чуулганаар зарим бүүтээгдэхүүнийг НӨАТ, гаалийн татвараас чөлөөлөх хуулийн төслийг анхны хэлэлцүүлгийг хийж, Төсвийн байнгын хороонд шилжүүлээ. Дараа нь Засгийн газар, Японы олон улсын хамтын ажиллагааны байгууллага хоорондын ковид-19 цар тахалтай тэмцэх арга хэмжээний хариу арга хэмжээд зориулах зээлийн хэлэлцээрийг соёрхон батлах тухай асуудлыг хэлэлцэж, дэмжлээ. Энэ үеэр гишүүд үг хэлж, асуулт асуусныг онцлон хүргэе.

Н.Алтанхуяг: Надад асуулт байхгүй шүү Ч.Хүрэлбаатар аа. Битгий хойноос хүний хэлэн үг гуйлуулаад худла яриад байгаарай. Японоос авах гэж байгаа 233 сая ам.долларын зээл сайн зээл. Гаднаас авч байгаа зээлийг гурван шалгуураар хэмждэг. Зээлийн хүү нь жилийн 0.01 хувь. Хаана ч байхгүй зээл. Үндсэн зээлээ төлөхгүй байх хугацаа дөрвөн жил. 15 жил төлж дуусгана. Гэхдээ энэ зээлийг төсвийн дэмжлэг болгож авна гэсэн байна.

Өөрөөр хэлбэл, ирэх оны төсвийг 2.1 их наядын алдагдаллтай баталсан. Энэ том тогоо руу ороод хайран зээл алдагдал болоод алга болох нь.

Төсвийн дэмжлэг болгож алга болгох нь буруу. Энэ зээлийг хэчнээн хүсэж байна вэ. Өглөө хэлээ биз дээ.

Их хурлын даргад өр зээлийн асуудлаар хаалттай хуралдъя гэж хэлсэн. Гэтэл Ч.Хүрэлбаатар надад нууж хаах юм байхгүй гэж улстөржүүлсэн. Тэгвэл надад ч хаах юм байхгүй. Нээлттэй хийе. Ер нь ингэж улстөржихөө зогсоо Ч.Хүрэлбаатар аа.  Чиний төлсөн зээл байдан бол дотоодын арилжааны банкны үнэт цаасыг Монголбанкинд өгсөн. Тэрийг чинь би хэлээд өгье.

Харин 3.5 тэрбум ам.долларын гадаад зээл чинь 7.9 тэрбум ам.доллар болчихсон улайм цайн нүдэн дээр чинь 4 тэрбум ам.доллараар нэмэгдээд явж байгаа.

Сүүлийн 15 жилийн төсөвт дүн шинжилгээ хийе гээд УИХ-ын дарга ажлын хэсэг байгуулсан. Нэг ч хуралдсангүй. Ажлыг нь хийлгэ л дээ. Микрофоны араас худлаа яриад байдаг үүнийгээ зогсоо. Бүгдээрээ нэг ойлголттой болъё.

А.Сүх