Жүжигчин Б.Навчааг цахим орчинд үзэл бодлоо илэрхийлсэнийх нь төлөө хууль хяналтын байгууллага шалгаж байгаа талаараа бид өмнө нь мэдээлсэн билээ.

Тодруулбал жүжигчин бүсгүй цахим хуудаснаа "Ийм пост бичээд ял авахаар болж байна даа. Гомдомтгой Нямбаатар сайдыгаа та нар минь дандаа хайрласан хүндэтгэсэн пост оруулахгүй бол Гомдоод өширхөөд шүд зуугаад шүүхэд өгөөд байна шүү анхаар манайхаан!!!! Үзэл бодлоо илэрхийлэх эрхгүй болсон шүү. Уг нь хуулийг хөнгөдсөн байна гэж бичсэн болохоос Нямбаатарын нэр хүндэд халдсан зүйл огт байхгүй юмсан. Цагдаа прокурор нь сайдынхаа талд бат зогсож таньдаа хайртай шүү л гэж байна. Шүүх нь сайддаа хайртай үгүйг харъя даа" хэмээн бичсэн нь олны анхаарлыг татаад байсан юм.

Харин дээрх асуудал хөндөгдөж, олон нийтийн анхаарлыг татсан тулд түүнээс бид ярилцлага авахыг хүссэн ч тэрбээр "За уучлаарай сэтгүүлчид минь би шүүх хурал болтол яриа өгч болохгүй Учир нь хууль зүйн сайд миний хууль эрх зүйг дордуулж нэмж ял өгөх учраас.Харин шүүх хурлын дараа болно шүү. Нямбаатар гэж бичих л юм бол хорино шүү гэж айлгасан цагдаа намайг" хэмээн цахим хуудаснаа бичжээ. 

Ташрамд өгүүлэхэд Б.Навчаа энэ оны дөрөвдүгээр сарын 26-ны өдөр цахим хуудаснаа "Нямбаатар гишүүний боловсруулсан хуулийг эсэргүүцэж байна би. Яаж тэнэгтэхээрээ 14-16 насны охидод бэлгийн дарамт үзүүлсэн бол харилцан бэлгийн харилцаанд орсон гэж торгох хууль батлаж байгаа юм бэ. Энэ хууль насанд хүрээгүй охидыг хүчирхийлж болно гэсэн утгатай санагдлаа. Энэ хуулийг эсэргүүцэж охидоо хамгаалахын тулд реклам болон шторк хийж эсэргүүцэх бололтой тул 14-16 насны 50 охин надтай нийлж зураг авалтад орооч гэж хүсэж байна. Охидоо хайрлая. Нямбаатар биш Тэмүүжин л гэнэ. 2017 онд баталсан хууль байна. Нямбаатар ахалсан гэж хуульч хүнээс сонслоо. Хэн ч санаачилсан бай эсэргүүцнэ" хэмээн үзэл бодлоо илэрхийлсэн учир ийнхүү хуулийн байгууллагын хаалга татаад байгаа аж. 

Б.Баатар