Эрүүл мэндийн яамнаас шинэ төрлийн коронавирусний халдварын талаарх ээлжит мэдээллийг хийж байна. 

ХӨСҮТ-ийн Тандалт судлалын албаны дарга А.Амбасэлмаа "2020 оны арванхоёрдугаар сарын 28-ны өглөөний 11 цагийн мэдээллээс хойш ХӨСҮТ-ийн вирус судлалын  лаборатори, ЗӨСҮТ-ийн вирус судлалын явуулын лабораторид нийт 14035 хүнд PCR шинжилгээ хийхэд 38 хүнээс коронавирус илэрлээ. Тодруулбал, Улаанбаатар хотод 37 тохиолдол илэрсэн. Тодруулбал, Баянзүрх дүүргийн нэгдсэн эмнэлгийн голомтоос 36 тохиолдол бүртгэгдсэн. Хоёр сувилагч, нэг үйлчлэгч, дөрвөн сахиур, зургаа өвчтөн, 17 хүн нь гэр бүлийн хүн, бусад хавьтал хоёр байна. Ингээд Баянзүрхийн голомтоос 226 тохиолдол бүртгэгдсэн байна. Мөн Хавдар судлалын Үндэсний төвийн хавьтал болсон 126 хүнд хоёрдахь удаагийн давтан шинжилгээ хийснээс дөрвөн хүнээс халдвар илэрсэн. Гэр бүлийн гурван хүн, хамт ажилладаг нэг сувилагч, цэргийн төв эмнэлгийн нэг эмч, Франфуртийн тусгай нислэгээр ирсэн нэг хүний давтан шинжилгээгээр халдвар илэрсэн. Ингэснээр улсын хэмжээнд бүртгэгдсэн нийт халдварын тоо 1175 боллоо.  

Харин дотоодын халдварын нийт тоо 702 боллоо. Үүнээс өчигдөр 36 хүн эдгэрч эмнэлгээс гарсан байна. 

Б.Баатар