Эрүүл мэндийн яамны ээлжит мэдээллийн үеэр УОК-ын Шуурхай штабын дарга Б.Ууганбаяр мэдээлэл өглөө. 

Тэрбээр “Өнөөдрийн байдлаар 34 тусгаарлан ажиглах байранд  1758 иргэн байна. Нийслэлд 1655 иргэн, орон нутагт 89 иргэн байна. Сүүлийн 24 цагийн байдлаар 70 иргэн нэмж тусгаарлагдсан. 12 иргэн дотроо шилжин тусгаарлагдсан.

123 иргэн гэрийн ажиглалтад шилжсэн.

ХСҮТ-ээс 79 иргэнийг тусгаарлах байр руу шилжүүлсэн. Өнөөдрийн байдлаар нийт 3502 хүн гэрийн ажиглалтад шилжсэн. Өнөөдөр 170 гэрийн ажиглалтад шилжиж байгаа.

Өнгөрсөн хугацаанд 87 мянган тээврийн хэрэгслийн 3 сая барааг оруулж ажилласан байна.

Түүнчлэн хэдэн нөхдүүд цуглаад цахим сүлжээгээр УОК-ын нэрийг барьж, өвчнөөр тоглож, олон нийтийн сүлжээнд марзан яриа тавьсан.

Халдварт өвчнөөр, бүх нийтийн өндөржүүлсэн бэлэн байдалд шилжчихсэн энэ үед олон хүмүүсийн хүч хөдөлмөрийг ингэж болохгүй. Тэр зургаан нөхөр амны хаалт зүүгээгүй байж, их марзагнаж байна лээ. Шалгуулна. Халдварт өвчнөөр ингэж тоглож болохгүй” гэлээ.

А.Сүх