Эрүүл мэндийн яамнаас ээлжит мэдээллээ хийлээ.

ЭМЯ-ны ахлах шинжээч Д.Нарангэрэл "Дэлхий дахинд халдвар өндөр эрчтэй хэвээр байна. Тодруулбал, Азийн хоёр орон болох БНСУ, Япон улсад халдварын тохиолдол эрс нэмэгдэж, эмнэлгийн орны ачаалал ихэсч байна. Олон нийтийг хамарсан нэг л үйл ажиллагаа хийхэд олон хүнийг хамарсан өвчлөл бий болгох, тархвар өөрчлөгдөх эрсдэл бий болж байна.

Тиймээс бидний өгч байгаа зөвлөгөөг сайтар дагаж мөрдөхийг хүсэж байна.

Эхний ээлжинд аймгууд руу халдвар тархаахгүй байх шаардлагатай байгаа учраас орон нутаг руу хулгайн замаар явахгүй байхыг анхааруулж байна. Энэ нь таны эх орныхоо хүлээсэн үүрэг юм шүү.

Мөн амны хаалт ил задгай хаях тохиолдол их байна. Өндөр дэгдэлтийн хувьд эрсдэл ихтэй учраас хогны саванд хаяж хэвшихийг хүсэж байна" гэлээ.  

А.Сүх