Коронавирусний цар тахалтай холбоотойгоор нийслэлийн хэмжээнд бүх нийтийн бэлэн байдлын зэрэгт шилжиж хатуу хөл хорио тогтоогоод байгаа билээ. Тэгвэл өнөөдөр Улсын Онцгой Комисс болон Засгийн газар хуралдаж, хөл хориог цуцлах эсэхийг шийдэх юм.
Эх сурвалжийн мэдээлж буйгаар Эрүүл мэндийн яамнаас бэлэн байдлын зэргийг дахин 14 хоног сунгах санал гаргасан байна. Коронавирусний халдвар газар авч, хүн ам олноор өвчлөх магадлал өндөр байна гэдгийг Эрүүл мэндийн сайд Т.Мөнхсайхан өнгөрсөн бямба гарагт хийсэн мэдээллийнхээ үеэр онцолж байсан билээ. Тиймээс ч хөл хориог дахин 14 хоног сунгах санал гаргасан бололтой. Харин ЭМЯ-ны саналыг хүлээж авах эсэх нь өнөөдрийн Засгийн газрын хуралдаанаар эцэслэгдэн, тодорхой болох юм.
Б.Баатар
Сэтгэгдэл (8)