УИХ-ын өнөөдрийн чуулганаар Шүүхийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн зарчмын зөрүүтэй саналуудыг хэлэлцэж байна. Энэ үеэр гишүүдийн хэлснийг онцлон хүргэе.

Х.Нямбаатар: Бид тал талаасаа л өөр өөрсдийнхөө үзэл бодлыг уралдуулж байгаа. Би хонгил угсрах гээд байгаа юм шиг зүйл ярьж болохгүй Б.Энхбаяр аа. УДШ-ийн Ерөнхий шүүгч гэж заасан Үндсэн хуульд заасан албан тушаалтанд өөрт нь 27 дугаар зүйлээр тодорхой эрх өгье гэж ярьсан. Танхимын тэргүүнээ томилж чадахгүй, өөрөө захирагдаж явдаг Ерөнхий шүүгч гэж ямар логик байх юм бэ.

Гишүүд Шүүхийн тухай хуулийг тал талаас нь маш нухацтай хэлэлцэж байгаа. Шинэ Засгийн газар байгуулагдаад Шүүхийн томилгоо, ШЕЗ, захиргааны байгууллагыг анх барьсан төслөөс нь 180 градусаар өөр болгосон. Энэ бол Засгийн газрын мөрийн хөтөлбөрт туссан зүйл байсан. Ингээд томилох, чөлөөлөх эрх мэдэл ангид болж ирж байгаа.

УДШ танхимын зохион байгуулалтаар үйл ажиллагаагаа явуулж эхлээд нэлээд зүгширсэн байдалтай байгаа. Танхимын тэргүүнээ УДШ-ийн Ерөнхий шүүгч нь томилдог байх учиртай.

Камер хараад улс төр хийж болно. Гэхдээ эцсийн үр дүнг нь сайн хараарай.

А.Сүх