УИХ-ын гишүүн Г.Амартүвшин Хөгжлийн банкны захирлаар томилогдсон зургаан сарын хугацаанд улстөрд нөлөө бүхий таван эрхэмд өндөр үнэтэй зээл олгосон талаар манай сайт өмнө нь мэдээлсэн. Эдгээр эрхмүүдэд УИХ-ын гишүүн Х.Ганхуяг, Г.Дамдинням нар багтаж буй билээ. Тэгвэл Хөгжлийн банкнаас тус бүр 33 тэрбумын зээл авснаа гишүүд өөрийн цахим хуудастаа ийн тайлбарлажээ.  

Тодруулбал, УИХ-ын гишүүн Г.Дамдинням "Зээл авахад гишүүн байгаагүй. Арилжааны хүүтэй барьцаатай зээл авсан. ЖДҮ шиг хөнгөлөлттэй зээл биш, ББСБ-аар оруулж хүүлээгүй, Зориулалтын дагуу тоног төхөөрөмжийн лизингийн төлбөрт компани нь зарцуулсан. Өргөн барьсан тогтоолын төсөлд энэ зээл хамрагдахгүй" .

Гишүүн Х.Ганхуяг "Авсан зээлээрээ лизингээр хэдэн тоног төөхөрөмж авсан. Хангалттай барьцаатай, арилжааны хүүтэй. Өмнө нь хэд хэдэн удаа авч байсан. Хугацаанд нь төлдөг, төлж дуусгадаг. Би бизнес эрхэлдэг байсан. Улстөрч болоод төрийн хэвшлийн банкнаас нэг ч төгрөгийн зээл аваагүй. Бизнес хийхдээ зээл авч байсан. Хагжлийн банктай 2016 оноос хойш хамтарч ажилласан" гэжээ. 

А.Сүх