Засгийн газрын 2021 оны нэгдүгээр сарын 20-ны өдрийн хуралдаанаар Засгийн газрын тохируулагч агентлаг Хил хамгаалах ерөнхий газрын даргаар бригадын генерал Х.Лхагвасүрэнг томиллоо.

Бригадын генерал Х.Лхагвасүрэн нь Говь-Алтай аймагт 1962 онд төрсөн. 1981-1986 онд ОХУ-ын Москва хотын Хилийн цэргийн командын дээд сургуулийг цэргийн команд тактик, Цэргийн сэтгэл зүй, сурган хүмүүжүүлэх ухааны багш, 1995-1997 онд Батлан хамгаалах удирдлагын академийг оператив тактикийн мэргэжлээр тус тус төгссөн, Цэргийн команд тактик, Цэргийн сэтгэл зүй, сурган хүмүүжүүлэх ухааны багш, Оператив тактикийн мэргэжилтэй.

2000 онд ОХУ-ын Холбооны аюулгүй байдлын албаны Хилийн академи, 2004 онд Арабын Бүгд Найрамдах Египет Улсад мэргэжил дээшлүүлэх курс, 2007 онд Холбооны Бүгд Найрамдах Герман Улсын Маршал төвд мэргэжил дээшлүүлсэн байна. 

1986-1988 онд Хилийн 0214 дүгээр ангид зөвлөх мэргэжилтний орчуулагч, 1988-1990 онд мөн ангид заставын дарга, 1990-1995 онд Хилийн 0168 дугаар ангид захирагчийн орлогч, ар тал хангалтын дарга, 1995-1997 онд Батлан хамгаалах удирдлагын академид сонсогч, 1997-2007 онд Хилийн 0165 дугаар ангийн захирагч, 2007-2009 онд Хилийн 0253 дугаар ангийн захирагч, 2009-2016 онд Хилийн 0119 дүгээр ангийн захирагч 2016 оны 09 дүгээр сараас Хил хамгаалах ерөнхий газрын Ар тал, зэвсэглэл, инженер техник эрхэлсэн дэд даргаар тус тус ажилласан байна.

Түүнчлэн Бригадын генерал Х.Лхагвасүрэн нь Хяналт шинжилгээ үнэлгээ, дотоод аудитын асуудал эрхэлсэн дэд даргаар ажиллаж байгаад тус албан тушаалд томилогдож байгаа юм.

Монгол Улсын Ерөнхийлөгчийн 2016 оны 179 дүгээр зарлигаар “Бригадын генерал” цол хүртсэн. Цэргийн шинжлэх ухааны магистр нэгэн юм байна. 

Б.Баатар