Ерөнхийлөгчийн Тамгын газраас мэдээлэл хийлээ.

Монгол Улсын Ерөнхийлөгч Х.Баттулгын хэвлэлийн төлөөлөгч О.Батханд "Нэгдүгээр сарын 20-ны өдөр иргэд жагсаал цуглаан зохион байгуулсан. Гэтэл тус жагсаалыг намайг зохион байгуулсан байж болзошгүй гэх мэдээлэл гараад байгаа нь ямар ч үндэслэлгүй. Миний бие болоод Монгол Улсын Ерөнхийлөгчийн зүгээс жагсаал зохион байгуулсан зүйл огт байхгүй гэдгийг албан ёсоор мэдэгдэж байна. Тиймээс миний бие хувь хүнийхээ хувьд, хэвлэлийн төлөөлөгчийнхөө хувьд хуулийн байгууллагад хандах болно. Тиймээс Тагнуулын байгуулага болон хууль хүчний байгууллагад миний хувийн нууц мэдээлэл, цахим сүлжээ, яриа дуудлагад шалгалт хийх эрхийг өгч байна. Бүх зүйл нээлттэй.  

Эрүүгийн хуульд хүний нэр хүнд, албан тушаалд халдах нь гэмт хэрэг гэж заасан байдаг. Гэтэл намайг ямар ч ор үндэслэлгүйгээр жагсаалыг зохион байгууллаа гэж байна. Уг жагсаалд нам намын төлөөлөл л оролцсон байсан. Гүндалай, Отгонбаатар Доржханд, Эрдэнэболд зэрэг олны танил, нам, эсвлийн олон хүн оролцсон байсныг хүн бүхэн харсан. Ард түмэн ч сэтгэлийн дуудлагаараа оролцсон гэж бодож байна.

Монгол Улсын Ерөнхийлөгч Х.Баттулга эв нэгдлийн илэрхийлэгч байх ёстой. Энэ үүргээ ч биелүүлж ирсэн. Энэ нэр хүндтэй албан тушаалд байгаа хүн худал мэдээлэл хийнэ гэж байхгүй. Бүх зүйл баримттай болоод л чуулганы хуралдаанд мэдээлэл хийсэн. Удахгүй баримтыг ил болгох байх" гэлээ. 

Б.Баатар