Ерөнхийлөгчийн Шүүхийн багц хууль, Авлигын эсрэг хууль болон Монгол Улсын Засаг захиргаа, нутаг дэвсрэгийн нэгж түүний удирдлагын тухай хуульд хэсэгчлэн тавьсан хоригтой холбогдуулан УИХ-ын гишүүн Б.Энхбаяр мэдээлэл өглөө. 

Тэрбээр “Шүүхийн тухай хууль нь Үндсэн хуулийн өөрчлөлтийг хэрэгжүүлэх хүрээнд батлагдсан. Ерөнхийлөгч Шүүхийн тухай хуулийг батлах процесст ажил хэрэгч оролцсон. Ажлын хэсэгт 35 зүйл бүхий 100 хуудас санал ирүүлсэн. Эдгээрийн 98 хувь нь ажлын хэсгийн болон УИХ-ын хүрээнд хүлээн авч баталсан. 

Өөрөөр хэлбэл, Ерөнхийлөгчийн өөрийн идэвх санаачилгаар батлагдсан гэж хэлж болно.

Харин үлдсэн хоёр хувь нь ямар заалт байв гэж. Ерөнхийлөгчид Үндсэн хуулийн 33 дугаар зүйлд заасны хүрээнд эрх хэмжээ олгоно. Бусад тохиолдолд эрх хэмжээ олгох боломжгүй гэж заасны дагуу илүү эрх мэдэл олгож болохгүй байсан. Гэтэл УИХ-ын олонх бүлэг Ерөнхийлөгчийн эрх мэдлийг булаагаад авчихсан мэт улстөр хийж байна. Тийм зүйл байхгүй.

ШЕЗ болон Шүүхийн ёс зүйн хорооныбүх гишүүдийг Ерөнхийлөгч томилдог. Энэ эрх мэдлийн хэт төвлөрөл нь хонгил үүсгэж байна гэж үзэн үүнийг задалж, шүүгчдэд өөрсдөд нь тал эрх мэдлийг олгосон. Энд Ерөнхийлөгч, Засгийн газар оролцохгүй.

Түүнчлэн УИХ 76 гишүүнтэй. Нэг хүний дохиураар хөдлөөд байдаг гэж ойлгож болохгүй.

Өнгөрсөн 30 жилийн хугацаанд ардчиллын баталгаа нь парламентын засаглал байсан. Энэ ч утгаар өөрөө өөрийгөө шүүрдэж, хариуцлага тавьж ирсэн. УИХ ШЕЗ-ийн гишүүдийн тал хувийг нь сонгоно. Ингэхдээ нийт ард иргэддээ танилцуулж, 14 хоногийн хугацаанд шүүхийг нь шахаж байж томилно" гэлээ. 

Б.Лхам