УИХ дахь Эдийн засгийн байнгын хороо Банкны тухай хуульд оруулах нэмэлт, өөрчлөлтийн хуулийн төслийн талаар хуралдаж байна. Энэ үеэр гишүүдийн хэлсэн онцлох үгийг хүргэж байна.

Т.Доржханд: 1000 орчим ломбард байна гээд байгаа. Зохицуулалтгүй зах зээлийг зохицуулалттай болгож сүүдэрт байгаа эдийн засгийг наранд гаргаж ирэх нь зөв. Гэхдээ 36 хувь гээд хатуу тогтоохгүйгээр хүлээх хэрэгтэй. 36 хувь гээд тогтоочихоор иргэд хоорондын зээлийн асуудал руу орох эрсдэл байна.

Өдрийн зээл чинь өдрийн нэг хувь. Нийт 360 хувийн хүүтэй гэсэн үг шүү дээ.

Тэнд зах зээл нь байна. Банк, банк бус байгууллага руу очъё гэхээр зээлтийн шалгуур нь өндөр учраас өдрийн зээл рүү явчих эрсдэл бий болоод байна. Үүнийг хэрхэн тооцож байгаа вэ.

Зөвхөн хүүн дээр малгай тавихаас илүү барьцаа хөрөнгийг нь яах билээ. Эрсдэлийг бууруулах талаар өөр ямар зүйл байна гэдгийг сайн бодож байгаад оруулж ирсэн бол хэрэгтэй.

Бидэнд ямар гаргалгаа байна вэ. Банкуудын мөнгө Төв банкинд байна. Засгийн газрын өрийн дээд хязгаар 3 их наяд төгрөг авах боломж байна. Энэ боломжоо ашиглаад Засгийн газар жилийн 5 хувийн хүүтэй зээл өгчихөөч. Дараа нь дахин 3 их наядын мөнгө босгох боломж байна. Банкууд зээл өгөхгүй байгаа шалтгаан нь эрсдэлээ тооцсон хэрэг. Тиймээс банкуудын эрсдэлийнх нь 50 хувийг Засгийн газар даана гэсэн зүйл хийчихвэл банкинд байгаа мөнгөнүүд гарах гээд байна. Ажлын байраа ч хамгаалж чадна.

А.Сүх