Монгол Улсын 32 дахь Ерөнхий сайдад нэр дэвшигчийн танилцуулгатай Ерөнхийлөгч Х.Баттулга хуулийн хугацаанд танилцаад өнөөдөр томилуулах саналыг УИХ-д нэрийг нь оруулжээ. Энэ дагуу Төрийн байгуулалтын байнгын хороогоор хэлэлцэж, нэр дэвшигчээс асуулт асуусныг хүргэе.

Ж.Сүхбаатар: Үндсэн хуульд оруулсан нэмэлт, өөрчлөлт өнгөрсөн жилээс эхлэн мөрдөгдөж эхэлсэн. Сүүлийн 30 жилд хариуцлага хэн хүлээх вэ гэдэг асуудал тодорхойгүй явж ирсэн. Үндсэн хуульд хуулийн биелэлтийг хангаж, УИХ-ын өмнө хариуцах ёстой ганц албан тушаалтан нь Ерөнхий сайд. Энэ хүрээнд нэлээд эрх мэдэлжүүлсэн.

Цаашид хариуцлагыг Ерөнхий сайдаас нэхнэ.

Үндсэн хуульд захирагдаж ажиллах ёстой. Үндсэн хуулийн үзэл санаа амьдрах ёстой. Үүнд таны тууштай хүсэл зориг ямар байна вэ. Монголд ганц хаан л бий. Тэр нь Үндсэн хууль. Дутаад байгаа зүйл нь олон сайхан санаачилгаас илүү Үндсэн хуулиа мөрдөх шүү дээ.

Л.Оюун-Эрдэнэ: Үндсэн хуулийг бүх иргэд бүх иргэд, төрийн байгууллага дагаж мөрдөх үүрэгтэй. Энэ дагуу Засгийн газар ажиллах үүрэгтэй. Энэ үүргээ биелүүлнэ. Хууль тогтоох, шүүх, гүйцэтгэх засаглалын хяналт тэнцвэртэй байх ёстой. Үүнийг барьж ажиллана. Хуулийн засаглалтай байх ёстой. Хууль дээгүүр хувь хүн биш хууль засагладаг байх ёстой. Ийм итгэл үнэмшлээр ажиллана.

Б.Лхам