УИХ-ын ээлжит бус чуулганы үдээс хойшхи хуралдаанаар Монгол Улсын Ерөнхий сайдад нэр дэвшигчийг томилох эсэх тогтоолын төслийг талаар хэлэлцэж байна.

Энэ үеэр  УИХ-ын гишүүн Д.Ганбат  ”1981 онд төрсөн хүн Монгол Улсын  Ерөнхий сайд болж байна. Таны туулсан карьер үнэхээр бахархмаар юм. Маш богино хугацаанд, маш их карьер хийжээ. Монголын залуучууд ийм байж чадаж байгаа юу. Таны нэр дэвшээд ороод ирж байгаад бас гайхаж байна. Монголын ард түмнийг доромжилж байгаа хэрэг үү. Засгийн  газар бүрэлдэхүүнээрээ алдаанаас болж огцорсон. Та ЗГХЭГ-ын дарга байсны хувьд алдаанд таны хувь нэмэр байгаа байх. Яагаад огцорчихоод буцаад орж ирэв. Монгол Улсын Ерөнхий сайд У.Хүрэлсүх танхимаараа огцорлоо гэдгийг АН хүндэтгэлтэйгээр хүлээн авсан.  Бас таны ахуй амьдрал сайн болсон юм байна. Хараад байхад хувийн байгууллагад нэг ч удаа ажиллагаагүй, дандаа улс төрийн байгууллагад ажиллаж иржээ. Оюутолгойг яриад байна. Монгол Улс өрөнд ороод дуусах юм байна. Та энэ талд өнгөрсөн хоёр жилд юу хийв. Цаашдаа яаж ажиллах вэ. Олонх  мэдээж Ерөнхий  сайдаар томилоод явчих байх. Гэхдээ л Монголын ард түмнийг ингэж басамжилж болохгүй байх, та нар.

Л.Оюун-Эрдэнэ сайд: Би 1980 онд төрсөн нь үнэн. Намайг хоёрдугаар ангид байхад ардчилсан хувьсгал өрнөсөн.  Өнгөрсөн 30 жилийн алдаа оноо 80-ад оныхонд илүү хүнд туссан. Үүнийг үүрч байгаа 80-ад оны төлөөлөл илүү мэдрэх байх гэж бодож байна Дубайн гэрээтэй холбоотой асуудлыг улстөржүүлж ярьж байгаа учраас та экс Ерөнхий сайд Ч. Сайханбилэгээс энэ бүхнийгээ  асуу”гэлээ.

У.Тэргэл