“Рио Тинто” компаний удирдлагын багт өөрчлөлт орж тус компанийн Эрчим хүч, эрдсийн группийн захирлаар ажиллаж байсан Б.Болдыг Зэсийн группийн гүйцэтгэх захирлаар томилжээ. 

Б.Болд нь 2013 оны 5-р сард Зэсийн группын Олон улсын үйл ажиллагаа хариуцсан ерөнхийлөгчөөр, 2014 оны 5-р сард Төмрийн хүдийн группын далайн тээвэр хариуцдаг компанийн захирлаар, 2015 оны 8-р сард Төмрийн хүдрийн группын Маркетинг, борлуулалт хариуцсан захирлаар, 2016 оноос Эрчим хүч, эрдсийн группийн захирлаар ажиллаж байгаа юм. 

Шинээр бүрдсэн удирдлагын баг нь 2021 оны гуравдугаар сарын 1-нээс албан ёсоор ажиллаж эхлэх бөгөөд шинэ удирдлагын багт дараах хүмүүс багтсан байна. 

• Якоб Стаушольм, Гүйцэтгэх захирал
• Баатар Болд, Гүйцэтгэх захирал Рио Тинто Зэс
• Алф Барриос, Арилжааны Захирал
• Питер Каннингэм, Санхүүгийн түр гүйцэтгэх захирал
• Марк Дэвис, Гүйцэтгэх захирал, аюулгүй байдал, техникийн болон төслүүд
• Синай Кауфман, Гүйцэтгэх захирал Рио Тинто Минералс
• Барбара Леви, Хууль эрх зүй, гадаад харилцаа хариуцсан захирал
• Хүмүүсийн ахлах мэргэжилтэн Жеймс Мартин (4-р сарын 6-нд элсэв)
• Келли Паркер, Австралийн гүйцэтгэх захирал
• Арнауд Сойрат, Үйл ажиллагаа хариуцсан захирал
• Питер Тот, Бүлгийн гүйцэтгэх захирал, Стратеги ба хөгжил
• Саймон Тротт, Гүйцэтгэх захирал Рио Тинтогийн төмрийн хүдэр
• Иван Велла, Гүйцэтгэх захирал Рио Тинто Хөнгөн цагаан.

Ташрамд өгүүлэхэд, Шинэ Ерөнхий сайд Л.Оюун-Эрдэнэ Дубайн гэрээг цуцлах саналыг тавиад байгаа. Үүнээс харахад "Оюутолгой"-н хэлэлцээрийн ширээний ард “Рио Тинто” компаний Зэсийн группийн гүйцэтгэх захирлаар томилогдсон Б.Болд, Монгол Улсын Засгийн газрын төлөөлөлтэй хамт суух нь бололтой. 

Р.Алтан