УИХ-ын гишүүн асан С.Эрдэнийг намаас хөөсөн гэх мэдээлэл гараад буй. Уг асуудлаар тэрбээр мэдээлэл өглөө.

Тэрбээр “Надад энэ талаар ямар нэгэн мэдээлэл ирээгүй. Хэвлэлээр гарсан мэдээлэлтэй л байна. Хоёрдугаарт, АН өөрийн гэсэн дүрэм журамтай. Хэн дуртай нь өөрөө дүрэм журам зохиогоод явах боломжгүй. Улс төрийн намын даргыг УДШ бүртгэдэг. АН-ын дарга 2017 оны гуравдугар сард УДШ-ийн 01 тоот тогтоол, мөн оны 03 тогтоол хүчинтэй.

УДШ-ийн бүртгэл дээр АН-ын дарга С.Эрдэнэ гээд хэвээрээ байгаа.

Нотлох баримттай л ярина шүү дээ. Нэгдүгээр сарын 14-нд УДШ хуралдаад Х их хурлыг хүчинтөгөлдөр бус гэж үзсэн. Нэмэлт, өөрчлөлтийг бүртгэхээс татгалзсан. Дүрэм, журам дэгээ зөрчсөн хүчингүй болдог шүү дээ.

Ц.Туваанд намын даргын нэрийн өмнөөс тушаал, шийдвэр гаргах эрх байхгүй. Зөвхөн намын даргын хариуцуулсан чиг үүргийг биелүүлэх ёстой" гэлээ.

А.Сүх